Números 20:28 - Wanano OT Portions

²⁸ Pji mʉjaa sʉ, Aarõ sacerdotea bui pʉhtoro jiro, to sãari suhtirore tjuwe na, Eleasare sãaha. To ã yoari baharota, tʉ sohtoapʉta Aarõ yariaa wahaha. To yariari baharo, Moise, ã jichʉ Eleasa, tina pʉarota dijaa wahaha jʉna.

Números 20:28 ပူးပေါင်းရင်းမြစ်များ

1 Crónica 22:17

Baharo, jipihtina to doca macaina pʉhtoare to macʉno Salomõre yoadoho dutia tiha Davi. Ã yoadoho dutiro, õ sehe ni bosaha tinare:

Números 20:1

Wahma cʉhmare wahma ti quihõ dʉcari sʉ̃i israe masa wʉari dʉjʉro, yucʉri marieni dʉjʉropʉre sʉa tiha. Tí dʉjʉro sehe Sĩ wama tiri dʉjʉro jia tiha. Tí dʉjʉroi cʉ̃ maca, Cadese wama tiri maca jia tiha. Tí macai tina israe masa sehe mahaa dachori jisinia tiha. Tói ti jichʉ, Moise wahmiono Miriã yariaa wahaa tiha. To yariachʉ ñʉa, to pjacʉ cjirore tóihta yaa tiha tina.

Números 20:26

Tʉ sohtoapʉ tina mehne mʉja sʉ, Aarõ sacerdotea bui pʉhtoro jiro, to sãari suhtirore tjuwe naga. Tjuwe na, Eleasapʉre tí suhtirore sãaga. Mʉ ã yoari baharo, Aarõ sehe tóihta yariaa waharohca —niha Yawe Moisere, ã jichʉ Aarõre.

Números 20:27

à yoa Moise sehe Yawe to dutiro seheta yoaro, jipihtina israe masa ti ñʉrocaroi Aarõre, ã jichʉ Eleasare tʉ̃cʉ Hor sohtoapʉ pji mʉjaa wahaha.

Deuteronomio 34:5

To ã ni yahuri baharota, tiro Moise Yawere dahra cohtariro cjiro sehe tʉ̃cʉ sohtoapʉta yariaa wahaha jʉna. To jisiniri yahpa, Moabe wama tiri yahpaihta yariaa tiha tiro cjiro. Yawe tiro cjirore to niriro cjiro seheta wahaha.

Deuteronomio 34:9

à yoa tiro Moise cjiro sehe catisininopʉ tirore cohtotahtiro Nũ macʉno Josuére to dapu bui to wamomacarine payo, tirore Cohamacʉre sini payoa tiha. To sini payori baharo, Josué sehe masare to sʉho waja mihnia tiare cjʉa dʉcaa tiha jʉna. Tíre cjʉaro, israe masare noano sʉho wajaa tiha tiro. à yoa israe masa cʉ̃hʉ tirore noano yʉhtia tiha. à yʉhtia, jipihtia Yawe Moise cjiro mehne to cũri dutiare yʉhtia nia tiha tina.