Joná 1:5 - Wanano OT Portions

⁵ Ã wahachʉ ñʉa, tiai dahraina sehe cʉa yʉhdʉa wahaha. Ã cʉa, tina cãinape ti ño payoina cohamanare sañurucuro mehne ti yoadohoa sinimaha tina. Ã siniata, “Maripʉ mini dijaahri” nia, ti naama, pachere diapʉ doca ño pahñonocaha tina. Ã yoa ã cuaro waharo wato, Joná sehe tia dohoria wʉrʉ topapʉ carĩno niha.

Joná 1:5 ပူးပေါင်းရင်းမြစ်များ

Joná 1:14

à waja wahã sʉ bihoerama, Joná to Cohamacʉ Yawe sehere õ sehe ni siniha tina: —Cohamacʉ Yawe, ahriro Joná ya buhiri sã cʉ̃hʉ yaria duaeramaca. Tuhsʉ, tirore sã doca ño, mini yariachʉ sã yoari buhiri, mʉhʉ mehne buhiri ti duaeramaca sã. Mʉhʉta jira õ sehe cuaro waro wahachʉ yoariro. Mʉhʉ sehe õ sehe cuaro wahachʉ yoai, quihõno yoai nica. Wiho mejeta sã sehe buhiri maeraja —ni siniha tina.

Joná 1:16

à wahachʉ ñʉa, tina sehe ñʉ cʉa yʉhdʉa wahaha. à ñʉ cʉaa, ã wahachʉ yoariro Yawere ño payo dʉcaha tina. à ño payoa, wahiquirore wajã, jʉ̃ wa mʉo, cua pisaro mehne ño payoha. Tuhsʉ, cua pisaro mehne õ sehe niha tina tirore: —à mʉhʉre õ sehe yoa, ño payorucunahtja sã —niha.

Joná 1:6

à yoa tia dohoria wʉrʉre dutiriro sehe tia topapʉ sãamahno, Jonáre tói ñʉ bocaha. à ñʉnota, tirore tuaro mehne “¡Wahcãga! ¡Wahcãga!” ni, bʉa careha. à yoa to wahcãchʉ ñʉno, õ sehe niha tirore: —Marine cuaro waro waharo nina. ¿Dohse yoa õi carĩ sãai nijari mʉhʉ? Yʉhʉ mehne dahraina cãinape ti ño payoina cohamanare sinia nimana. ¡Cjero! Mʉhʉ cʉ̃hʉ mʉ ño payoriro cohamacʉre sini bahrañoga. Pa tehe nino tiro marine pja ñʉno, mari mini yariaborore yʉhdoboca —niha dohoriare dutiriro Jonáre.