Joná 1:13 - Wanano OT Portions

¹³ Ã yoa Joná tinare, “Yʉhʉre doca ñonocaga” to nipachʉta, tina sehe tirore doca ño duaeramaha. Ã doca ño duaera, ti tuaro mʉ sʉro wajamaha. “Ahri ma dʉhtʉ cahapʉ waja wahã sʉnocajihna mari” nia nimaha. Wiho mejeta wihnono sehe sie sehe mehne tuaro waro wãno niha. Tuhsʉ, pahcõri cʉ̃hʉ waja wahcãno mejeta jiha. Ã jia tí ma dʉhtʉ cahapʉ waja wahã sʉ bihoeraha tina.

Joná 1:13 ပူးပေါင်းရင်းမြစ်များ

Joná 1:12

Ti ã ni sinitu ñʉchʉ, Joná sehe tinare õ sehe ni yʉhtiha: —Yʉ ya buhiri mʉsare õ sehe cuaro waharo nina. Ã jina mʉsa sehe yʉhʉre diapʉ doca ñonocaga. Yʉhʉre mʉsa doca ñochʉ, wihnono wã duhua waha, tuhsʉ, pahcõri wʉri cʉ̃hʉ wahcã duhua wahaahca —ni yʉhtiha tiro tinare.

Joná 1:14

à waja wahã sʉ bihoerama, Joná to Cohamacʉ Yawe sehere õ sehe ni siniha tina: —Cohamacʉ Yawe, ahriro Joná ya buhiri sã cʉ̃hʉ yaria duaeramaca. Tuhsʉ, tirore sã doca ño, mini yariachʉ sã yoari buhiri, mʉhʉ mehne buhiri ti duaeramaca sã. Mʉhʉta jira õ sehe cuaro waro wahachʉ yoariro. Mʉhʉ sehe õ sehe cuaro wahachʉ yoai, quihõno yoai nica. Wiho mejeta sã sehe buhiri maeraja —ni siniha tina.