Joná 1:10 - Wanano OT Portions

¹⁰ ‘Ã yoa tiro yʉ Cohamacʉ Yawe yʉhʉre dahraa cũmahre. Yʉhʉ sehe tí dahraare yoa duaerai, tirore yʉhdʉrʉcahi. Ã jicʉ ahriapʉ samu, duhti wahcãi nimahi yʉhʉ —ni, yʉhtiha Joná. To ã nichʉ tʉhoa, tina sehe õ sehe niha: —¿Dohse yoai mʉ cohamacʉre yʉhdʉrʉcari mʉhʉ? Mʉ cohamacʉre ne yʉhdʉrʉcaeraboa mʉhʉ. Mʉ yʉhdʉrʉcari buhiri sã cʉ̃hʉ yaria pihtia wahana tana nica —niha tina. Ã nia, ti cuimariro cjiro bui cuiha tina.

Joná 1:10 ပူးပေါင်းရင်းမြစ်များ

Génesis 3:13

à yoa tiro Cohamacʉ Yawe sehe numinore õ sehe ni sinitu ñʉha: —¿Ne, dohse yoaco taco mʉhʉ ã yoari? —ni sinitu ñʉha. —Agã yʉhʉre yahusãhre. à jico chʉhti —ni yʉhtiha ticoro numino.

Joná 1:11

à yoa wihnono sehe jʉna, sie sehe mehne tuaro waro wãno niha. à wahachʉ ñʉa, tina sehe Jonáre õ sehe ni sinitu ñʉha: —Mʉ ya buhiri marine õ sehe cuaro waharo nina. ¿Ã jina dohse yoama sã mʉhʉre? —ni, tirore sinitu ñʉha.

Joná 1:3

To ã nichʉ tʉhorota, to yare cahno bahrañoha Joná. Cahno tuhsʉ, pjiri ma dʉhtʉ cahapʉ jiri maca, Jope wama tiri macapʉ buhaa wahaha tiro. Tí macapʉ buhu sʉ, bʉjʉa bʉso wʉri ti wahã sʉri pitamahapʉ buhaa wahaha. Tí pitamahapʉ to buhu sʉchʉ, tói cʉ̃ria Españapʉ wahahtia pahsaha. España sehe sʉ̃ sãano caha sehe tjuaha. Cohamacʉ Jonáre to warocari maca Nínive sehe sʉ̃ mʉja taro caha sehe tjuaha. Ã jiro Joná sehe Cohamacʉ to warocari macapʉ waha duaeraro, España sehepʉ duhtia waharo nimaha. Ã jiro tia pʉrore niñeru wapa, tiapʉ samuha tiro.