Isaía 53:6 - Wanano OT Portions

⁶ Ovejaa ti chʉa wahari mahai waha, tja tiropʉ tjare maca chʉ, cãina waha site wahcã, ti majare tjua tabori mahare bocaera mʉjaa tira. Tina yoaro sehe jija mari cʉ̃hʉ. Nohoi mari mʉ sʉro cãina doca wahã tiniina yoaro sehe jija. Mari ã jiina jichʉ ñʉno, Yawe sehe mari cãina ya buhirire to cahamacʉnopʉre duhu payoro yoaro seheta yoa, buhiri dahrere tirore jʉna.

Isaía 53:6 ပူးပေါင်းရင်းမြစ်များ

Génesis 22:6

To wajãhtirore jʉ̃ wa mʉohti picha cjihtire na dijo, Isaa comapariaca bui duhu payoha, to wʉa mʉjahto sehe. Ã yoa tiro sehe yihsori pjĩ, ã jichʉ pichacare na tuhsʉ, tina pʉaropʉ mʉjaa wahaha.

Salmo 69:4

Israe masa bui pʉhtoro Davi to tuaro cahyari pjare õ sehe ni durucuha Cohamacʉ mehne: —Yʉhʉ soro yoaerapachʉta, yʉhʉre wiho waro yabiina sehe yʉ dapu pjoari bui payʉ waro jira. Tinare yʉ soro yoaerapachʉta, yʉhʉre wiho waro ñʉ tuhtiina sie sehe mehne payʉ waro waha namona. Tina yʉhʉre ti yare yʉ yacaerapachʉta, tuaro mehne “Mʉ yacarire wiaga mʉhʉ” ni mʉjana yʉhʉre wiho warota —ni cahyaro mehne Cohamacʉre durucuha Davi.

Isaía 53:12

Tiro “Noanohca yʉ buhiri tiriro yoaro sehe yariachʉ” to ni yariachʉ, tiro Yawe sehe to cahamacʉno, masare yʉhdohtirore ño payoro mehne jipihtina pʉhtoa bui dapu cũre tirore jʉna. Jipihtina masa ya buhiri, tiro sehe yariabasare. Ã yoa Yawere tiro sinibasare mari ya buhirire to bohto sehe —ni yahu mʉhtaha Isaía.

Isaía 53:5

Wiho mejeta ã jierare. Tiro mari ya buhiri ñano cami tia wahare. Mari ya buhiri tirore ñano tjanayere. Tó sehe yʉhdʉre tiro, marine yʉhdoro taro, mari Yawe mehne noano jinocahto sehe. Mari sehe cami, yati masieraa cami cjʉaina yoaro sehe jija mari buhiri tia mehne. Ã jiro tiro ñano yʉhdʉre tí camine yatia wahachʉ yoaro seheta yoaro taro.

Isaía 53:7

Tina tirore ñano tjanaye, ti ñano purĩchʉ yoapachʉta, tiro sehe ãta tʉhotu, ne cʉ̃ dʉsero waro nierare. Ovejacã mʉnore ñaha ti wajãa tachʉ, ne tunu witi, sañuerariro yoaro sehe jire tiro. Ovejacoro to pjoarire ti saa tachʉ, ne tunu witi, sañueraricoro yoaro sehe jire tiro. Ne “Yʉhʉre ã yoaena tjiga” nierare tiro.