Isaía 53:3 - Wanano OT Portions

³ Mari tirore ñʉ yabi, ne noano mehne ñahaerai. Tiro sehe ñano yʉhdʉporiro ji, ã cahyaporiro cʉ̃hʉ jire tiro. Mari sehe “Ahriro wapa marieriro waro jira. Wiho waro mari tirore ñʉ wahãboca” nii mari tirore. Ã nina, tirore dúhtu dʉcʉ sʉi mari.

Isaía 53:3 ပူးပေါင်းရင်းမြစ်များ

Isaía 50:6

Cohamacʉ yare yahu mʉhtariro Isaía, (masare yʉhdohtiro to yariahtore, to dohse ñano yʉhdʉ, to wapʉ tihtire to basi waro to yahuboro seheta) õ sehe ni yahu quihõ mʉhtaha: —Yʉhʉre yabi, ñʉ tuhtiina sehe ti buhiri tiinare tjanasoa dari, sohtoaripʉ sioa yawiri cjʉaa dari baro mehne, yʉ baharo bʉhʉsehepʉre ti tjanaye duachʉ, yʉhʉ sehe tinare wiho dúhtu dʉcʉ sʉhi, yʉhʉre ti ñano tjanayehto sehe. Ã yoa yʉ wʉhdʉa cʉ̃hʉre ne nʉoerahi tinare, yʉ dʉse pjoarire ti tʉã burepe, yʉhʉre ñano bʉoro ti yoaro wato. Ti yʉhʉre chacho puti sihõchʉ cʉ̃hʉre ãta tʉhotunocahi —ni yahu quihõ mʉhtaha Isaía.

Isaía 52:14

Yawe yare yahu mʉhtariro Isaía, (masare yʉhdohtiro, to dohse ñano wapʉ tihtire) õ sehe ni yahu cũ mʉhtaha tiro: —Yawe cahamacʉno, masare yʉhdohtiro wʉhdʉa, ñano cami tiri wʉhdʉare mari ñʉchʉ, ne masʉno yoaro sehe bajuaerare. Ã jina tirore ñʉ cʉaa wahai mari.

Isaía 53:4

Mari tó sehe tirore yabipachʉta, tiro sehe mari ñano yʉhdʉborirore ñano yʉhdʉbasare. Ã yoa mari cãina purĩno mehne cahya tʉhotuboare, tíreta tiro cʉ̃hʉ tʉhotubasare. Wiho mejeta mari sehe õ sehe ni tʉhotumai: “Ahriro Yawe mehne buhiri tiriro jira. Ã jiro tirore buhiri dahrere” nimahi mari.