Isaía 11:2 - Wanano OT Portions

² Ã yoa Isaía to masare õ sehe ni yahu quihõ cũ mʉhtaha: —Cohamacʉ Catia Macariro, Yawe to warocahtiro sehe masare yʉhdohtiro mehne jirucu, ã dahrarucurohca. Tiro Cohamacʉ Catia Macariro õ sehe jia tiriro jira. Dohse jia masiare, noano waro masi sahseriro jira. Jipihtiare, dohse jiare tʉho ñaha pahño mihniriro cʉ̃hʉ jira. Ã jiro tiro bosa mihni yʉhdʉrʉcʉ sʉriro cʉ̃hʉ jira. Jipihtinare, jipihtiare ji yʉhdʉrʉcʉ sʉriro waro jira tiro. Ã yoa tiro, Yawe to niare tʉho duariro cʉ̃hʉ jira. Cohamacʉ Catia Macariro, Yawe to warocahtiro tó sehe jia tiriro, masare yʉhdohtiro cjihto mehne jirucu, ã dahrarucurohca —ni yahu quihõ cũ mʉhtaha Isaía.

Isaía 11:2 ပူးပေါင်းရင်းမြစ်များ

Isaía 9:6

à yoa Isaía Acare, tí pjare israe masa pʉhtorore, õ sehe ni yahu quihõ cũ mʉhta namoha: —Cʉ̃iro nijinocã masa bajuachʉ yoa, tirocãre mari yairo cjihto warocarohca Cohamacʉ marine. Tirocã sehe jipihtina Bui Pʉhtoro cjihto jirohca. Tuhsʉ, tiro payʉ wamari cʉ̃hʉ cjʉarohca. “Masare noano bosa mihni yʉhdʉriro” niri wama, “Cohamacʉ ji yʉhdʉrʉcʉ sʉriro waro” niri wama, “Mari Pʉcʉ ne di pja cati dʉcaerariro, ne di pja yariaerahtiro” niri wama, “Jipihtina Bui Pʉhtoro macʉno, masapere noano yajeri sãa, noano jinocachʉ yoahtiro” niri wama, tópe wamari cjʉarohca tiro.

Deuteronomio 34:9

à yoa tiro Moise cjiro sehe catisininopʉ tirore cohtotahtiro Nũ macʉno Josuére to dapu bui to wamomacarine payo, tirore Cohamacʉre sini payoa tiha. To sini payori baharo, Josué sehe masare to sʉho waja mihnia tiare cjʉa dʉcaa tiha jʉna. Tíre cjʉaro, israe masare noano sʉho wajaa tiha tiro. à yoa israe masa cʉ̃hʉ tirore noano yʉhtia tiha. à yʉhtia, jipihtia Yawe Moise cjiro mehne to cũri dutiare yʉhtia nia tiha tina.