Génesis 46:1 - Wanano OT Portions

¹ Ã yoa Jacobo sehe jipihtina to namosanumia, to pohna, to panamana mehne ti yare cahno, Egipto yahpapʉ waharo niha. Ã waharucuro, Berseba wama tiri macai tjua caha sʉ, tói to pʉcʉro Isaa cjiro to ño payoriro Cohamacʉre ño payoro taro, wahiquinare wajã, jʉ̃ wa mʉo, ño payoha tiro.

Génesis 46:1 ပူးပေါင်းရင်းမြစ်များ

Génesis 12:8

Baharo tʉ̃ yucʉri payʉropʉ waha namoha tjoa. Wahaa, Betel wama tiri macare yʉhdʉa, sʉ̃ mʉja taro sehe waha, tópʉ ti wʉhʉserire tʉã dapo, jisiniha tjoa. Tói ti jichʉ, Betel sehe sʉ̃ sãano caha sehe tjuaha. Ã yoa pa maca Ai sehe sʉ̃ mʉja taro caha sehe tjuaha. Tó cʉ̃hʉre paro tãa mehne dahre mʉori tuhu yoa, Yawere ño payoha Abrã.

Génesis 22:13

To ã niri baharo, Abrahã ñʉrocamahno, ñʉ bocaha. Cʉ̃iro oveja mʉno, cʉ̃dʉ yucʉcʉ yahpadʉcã dʉpʉri payʉdʉi to saharipʉ suhri wahãriro ducuha. To macʉnore yoaborire tiro sehere nano waha, wajã, jʉ̃ wa mʉo, ño payoha Cohamacʉre jʉna.

Génesis 28:10

à yoa tiro Jacobo sehe to pʉcʉro Isaa tirore to waha dutichʉ tʉhoro, waharo niha jʉna. Berseba wama tiri macai jiriro cjiro to bachʉro jiri maca, Harã wama tiri macapʉ wahari mahai waha dʉcaha.

Génesis 28:13

à yoa Yawe cʉ̃hʉre to cahai ducuchʉ, ñʉrucuro cahãha. To cahai ducuro, Cohamacʉ sehe õ sehe ni yahuha tirore: —Yʉhʉ jija Yawe. Mʉ ñʉchʉ cjiro Abrahã, ã jichʉ mʉ pʉcʉ Isaa cʉ̃hʉ ti ño payoriro, ti Cohamacʉ waro jija yʉhʉ. Mʉhʉre, ã jichʉ mʉ panamana ji turia dijahtina cjihtire ahri yahpa, mipʉ mʉ carĩ coãri yahpare waihtja.

Génesis 33:20

à yoa tí dʉhteroi cʉ̃ tuhu tãa mehne dahre mʉori tuhu yoaha Jacobo. Tí tuhure “El Elohe Israe” ni, wamoaha. (“El Elohe Israe” nino “Cohamacʉ potocãta yʉhʉ Israe yʉ Cohamacʉta jira” nino nica hebreo masa ya dʉsero mehne)

Génesis 4:4

Tiro Abe cʉ̃hʉ to ovejaa wahma pohna ti mʉhtaina cãinare na ta, wajã, noano se tia dihire bese, waha, Yawere ño payoro. Ji coaro mehne ñʉha tiro Yawe Abere, ã jichʉ to ño payoa mehne to wari cʉ̃hʉre.

Génesis 45:28

à yajeri sãa, wahchero, tiro õ sehe niha: —Jai. Noana. Yʉ macʉ catisiniri jira. Yʉ yariahto pano tirore ñʉ batoai wahaihtja yʉhʉ —niha tiro.

Génesis 8:20

à yoa wija ta pihtiri baharo jʉna, tiro Noé sehe tãa mehne pari tuhu dahre mʉoha. Dahre mʉo tuhsʉ, Noé cãina wahiquina, ã jichʉ wʉina cʉ̃hʉre masa Yawere ño payoa taa, ti wajãsoinapere beseha. To beserinare wajã, tãa tuhu, to cahnori tuhu buipʉ jʉ̃ wa mʉoha. Tó sehe yoa, Yawere ño payoha.

1 Samue 8:2

To macʉno masa wahmino sehe Joe wama tiriro jia tiha. To bahʉro sehe Abia wama tiriro jia tiha. Tinare to pʉhtoa sõri baharo, tina sehe Berseba wama tiri macapʉ jia tiha. Tópʉ ji, ti pʉcʉrore masare sʉho ji mʉhtadohoa tiha tina cʉ̃hʉ.