Génesis 45:15 - Wanano OT Portions

¹⁵ Baharo José to wahmisʉma jipihtinare cjã suhsu, ti wahsupurii wihmi, tiiha. To ã yoachʉ ñʉapʉ, to wahmisʉma sehe wacũ tua cure, tiro mehne durucuha jʉna.

Génesis 45:15 ပူးပေါင်းရင်းမြစ်များ

Génesis 33:4

To ã yoachʉ, Esaú sehe Jacobo cahapʉ mʉroca mʉhtaa, to wamʉapʉ tirore cjã suhsuha. Cjã suhsu, tirore wahsupu wihmiha. Ã yoa tina pʉaropʉta tiiha.

Génesis 42:24

Wiho mejeta José sehe ti ã ni durucuchʉ, tʉhoriro jiro, ti ñʉeraropʉ sãa, tiiha. Tii tuhsʉ, wija wihiro, Simeõre soro dapo, to coyea ti ñʉrocaroi tirore dʉhte dapo dutiha.

Génesis 45:14

à ni tuhsʉrota, to bahʉro Benjamíre cjã suhsu, tiiha. To cjã suhsuchʉ, to bahʉro cʉ̃hʉ tirore cjã suhsu, tiro cʉ̃hʉ tiiha.

Génesis 45:16

à yoa tí quiti faraõpʉ cʉ̃hʉre sʉha. Tí quitire tʉhoro, faraõ sehe wahcheha. à yoa to doca macaina pʉhtoa cʉ̃hʉ wahcheha.

Génesis 45:2

à jiro tuaro tiiha tiro. To ã tuaro tiichʉ, tirore dahra cohtaina sehe tʉhoha. à tʉhoa, painapʉre tí quitire yahu turiaha. Pʉ faraõpʉ cʉ̃hʉre tí quiti sʉha.

Éxodo 4:27

à yoa Aarõ cʉ̃hʉre Egiptopʉ jirirore õ sehe niha tiro Yawe: —Mʉ bahʉ Moise wʉari dʉjʉropʉ tarucuro nina. Tirore piti bocai wahaga mʉhʉ —niha tirore. To ã nichʉ tʉhoro, Aarõ sehe to bahʉrore piti bocaro wahaha. Yoaro waha, sʉropʉ tʉ̃cʉ Sinaí cahapʉ tirore piti bocaha. Tʉ sehe, “Ahdʉ tʉ̃cʉ Cohamacʉ to bajua mʉjadʉ jira” ni, masa cua pisaro ti ñʉdʉ jia tiha. à yoa tói Aarõ sehe to bahʉro Moisere piti boca, tirore wahsupu wihmiha.