Génesis 44:29 - Wanano OT Portions

²⁹ Mipʉre to bahʉrore mʉsa naachʉ, tiro cʉ̃hʉre ñano wahaboca. To soro wahachʉ, yʉhʉ sehe cahya yariaa wahaihca. Yʉ yariari buhiri mʉsa sehe buhiri tinahca” nihre sãre sã pʉcʉ.

Génesis 44:29 ပူးပေါင်းရင်းမြစ်များ

Génesis 37:35

To ã tuaro cahyachʉ ñʉa, jipihtina to pohna sehe tirore noano yoaa timaha. “Cahya duhujaro” nia, ã yoaa nia timaha tina. Ti noano yoapachʉta, tiro sehe mʉnanota cahyariro jia tiha. Ã jiro õ sehe niha: —Yʉ macʉ yariariro cjirore ne bosi. Yʉhʉ ãta cahyarucuihtja, te yaria, to cahapʉ sʉipʉ boihtja yʉhʉ —niha tiro.

Génesis 42:36

à cʉaro, ti pʉcʉro sehe tinare õ sehe niha: —Yʉhʉre pohna marieriro yoaro sehe tjuachʉ yoa duana nina mʉsa. José mari mehne maria, Simeõ cʉ̃hʉ mariahna. ¿Mipʉre tjoa Benjamíre yʉhʉre mana tana nijari mʉsa? Tí mehne yʉhʉta jija ñano yʉhdʉ mʉjariro —ni tuhtiha tiro tinare.

Génesis 42:38

To ã nichʉ tʉhoro, Jacobo õ sehe ni yʉhtiha: —Mʉsa mehne yʉ macʉ ne wahasi. To wahmino José yoato yariaa wahare. Ahriro dihta dʉhsara Raque cjiro mehne yʉ pohna tiriro. Yʉhʉ sehe bʉcʉro waro jija. Tópʉ mʉsa naachʉ, tirore soro wahaboca. Tí mehne yʉ cahya, yariachʉ, mʉsa buhiri tinahca —niha tinare.

Génesis 42:4

Wiho mejeta Jacobo sehe Benjamí, José bahʉrore warocaeraha, “Soro wahaboca” ni, tʉhoturo.

Génesis 43:14

Cohamacʉ Tua Yʉhdʉrʉcʉ Sʉriro sehe, mʉsare pja ñʉchʉ yoajaro. Ã pja ñʉchʉ yoaro, yʉ macʉ peresupʉ jirirore wiochʉ yoajaro. Ã yoa Benjamí cʉ̃hʉre yʉ cahai coha tju wihichʉ yoajaro. ¡Wiho mejeta yʉhʉ sehe pohna marieriro tjuai, ãta tjuai nica! —niha tinare.