Génesis 44:17 - Wanano OT Portions

¹⁷ To ã nichʉ tʉhoro, José sehe õ sehe niha: —Jierara. Yʉ ya wahware yacariro dihta yʉhʉre dahra cohtahtiro jijaro. Mʉsa paina ã jica nino marieno mʉsa pʉcʉ cahapʉ tjuaa wahaga. Ne cʉ̃iro mʉsare caribosi —niha tinare.

Génesis 44:17 ပူးပေါင်းရင်းမြစ်များ

Génesis 18:25

¡Ne buhiri dahreraboca mʉhʉ noainare! ¡Buhiri tiina mehne cʉ̃no potori ti yariachʉ, tó jierara! ¡Ã ñano yoai tjiga tinare! Mʉhʉ jira ahri dacho paró macaina masa curuaripe macaina buhiri tiinare, buhiri marieinare quihõno beseriro. Ã jii buhiri marieinare buhiri dahresi mʉhʉ —niha.

Génesis 42:18

Bato tiri dachoi tinare õ sehe niha: —Yʉhʉ cua pisaro mehne Cohamacʉre ño payoriro jija. Ã jicʉ wiho warota mʉsare wajã duaeraja. Ã jii mʉsa õ sehe yoachʉ, mʉsare wajãsi.

Génesis 44:10

Ti ã ni yʉhtichʉ tʉhoro, tiro wʉhʉ cohtariro sehe tinare õ sehe ni yʉhtiha: —Mʉsa nino seheta yoachʉ, noana. Wiho mejeta tiare yacariro dihta yʉhʉre dahra cohtahtiro jijaro. Mʉsa paina dʉhsaina sehe buhiri marieina tjuanahca —ni yʉhtiha.

Génesis 44:16

To ã ni sinitu ñʉchʉ tʉhoro, Judá sehe tirore õ sehe ni yʉhtiha: —¿Dohse ni mʉhʉre yʉhtibocari sã? ¿Dohse yoa “Buhiri maeraja. Tó sehe yoaerahi sã” ni, mʉhʉre ñobocari? Panopʉ sã ñano yoa, nʉoa tihi. Tí buhiri Cohamacʉ sãre buhiri dahrero nica. Ã jina ã yʉhdʉca sã. Mipʉre sã jipihtina mʉ sihniri wahware yacariro mehneta mʉhʉre dahra cohtaina tjuanahtja —ni yʉhtiha.

Génesis 44:18

To ã nichʉ tʉhoro, Judá sehe José cahai waha, õ sehe ni siniha tirore: —Yʉhʉ mʉhʉre sinija, pʉhtoro. Yʉhʉre tʉho curega mʉhʉ. Masija. Mʉhʉ cʉ̃hʉ faraõ dutiro yoaro seheta dutiriro jira. Ã jicʉ cua pisaro mehne mʉhʉre ñʉja yʉhʉ. Mʉ ã pʉhtoro choro jicʉ, yʉhʉre wajã duacʉ, wajã masina. Yʉhʉre mʉ wajã duachʉ, pairo mʉ bui dutiriro yʉhʉre dʉcataboriro mariahca. Wiho mejeta pja ñʉga yʉhʉre. Yʉhʉ mehne suai tjiga.