Génesis 43:29 - Wanano OT Portions

²⁹ Ti ã yoachʉ, José sehe to bahʉro Benjamíre ñʉroca õha. Tina pʉaro sehe cʉ̃iro pohnata jiha. Tuhsʉ, cʉ̃coro pohnata jiha. Ã yoa to bahʉrore ñʉroca õno, õ sehe niha tiro: —¿Ahriro jihri “sã bahʉ dʉhsariro” mʉsa niriro? —ni sinitu ñʉha. Ã ninota, tirore: —¡Macʉ, mʉhʉre Cohamacʉ noano wahachʉ yoajaro! —niha.

Génesis 43:29 ပူးပေါင်းရင်းမြစ်များ

Génesis 35:24

à yoa pacoro to namono Raque mehne sehere pʉaro pohna tiha tjoa. Ticoro mehne to pohna ti mʉhtariro sehe José wama tiriro jia tiha. To doca macariro sehe Benjamí wama tiriro jia tiha.

Génesis 42:11

Cʉ̃iro pohnata jija sã. Quihõno yoaina baro jija. Ne mahño ñʉ duhti sito taina jieraja sã —ni yʉhtiha.

Génesis 42:13

To ã nichʉ tʉhoa, tina sehe õ sehe niha: —Jieraja, pʉhtoro. Sã sehe Canaã macaina jija. Cʉ̃iro pohna doce waro jija. Cʉ̃iro pinihta butia wahari jire. Wiho mejeta pairo sã bahʉ dʉhsariro sã pʉcʉ mehne tjuahre —ni yahuha tina.

Génesis 44:21

Sã ã nichʉ tʉhocʉ, mʉhʉ sehe, “Mʉsa bahʉre yʉhʉre na tabasaga. Yʉhʉ tirore masi duaca” nihre mʉhʉ.

Génesis 45:8

à jina mʉsa jierari jire yʉhʉre ã wahachʉ yoana. Cohamacʉ jiri jire yʉhʉre õpʉ warocaro. Tirota yʉhʉre faraõ yoahtire yahu quihõhtiro cjihto cũri jire. Tuhsʉ, to ya wʉhʉ macaare ñʉ wihbohtiro cjihto cũri jire. à yoa faraõ doca macariro pʉhtoro cjihto cũno, jipihtina Egipto macainare dutihtiro cjihto cʉ̃hʉre cũno niri jire tiro yʉhʉre.