Génesis 43:26 - Wanano OT Portions

²⁶ Ã yoa José to wihichʉ ñʉa, tina sehe tirore ti na tabasarire wiaha. Wia tuhsʉ, to potoi na tuhcua caha sʉ, muhri caha boraha pʉ ti wʉhdʉa wapari yahpa pihachʉpʉ.

Génesis 43:26 ပူးပေါင်းရင်းမြစ်များ

Génesis 27:29

à yoa jipihtia paye yahpari macainare duti yʉhdʉrʉcariro jiihca mʉhʉ. Mʉ ã duti yʉhdʉrʉcariro jichʉ, masa curuaripe macaina ño payoahca mʉhʉre. Mʉ coyea cʉ̃hʉre dutiriro jiihca. Mʉhʉre ñano yoaina Cohamacʉ to buhiri dahrehtina jiahca. à yoa mʉhʉre noano yoainare Cohamacʉ tinare noano yoa cahmanohca —ni sini payoha.

Génesis 33:3

Tinare cʉ̃ pohna dapo tuhsʉ, tiro Jacobo sehe ti pano sʉrʉcʉ sʉha jʉna. Sʉrʉcʉ sʉ, Esaúre piti bocaro wahaha. Piti bocaro waharo, Jacobo waha, sʉrʉcʉ sʉ, na tuhcua caha sʉ, muhri caha dijaha pʉ to wʉhdʉa wapa yahpa pihachʉpʉ. Wahcãrʉcʉ sʉ, pari turi wahaha tjoa. Waha, sʉrʉcʉ sʉ, na tuhcua caha sʉ, muhri caha dijaha tjoa, pʉ to wʉhdʉa wapa yahpa pihachʉpʉ. Siete tahari ã yoa wahcã, Esaú cahacãpʉ sʉha jʉna.

Génesis 42:6

à yoa tí pjare tiro José sehe Egiptopʉre pʉhtoro jia tiha. Tiro jipihtia yahpari macaina to cahai sʉinare chʉa duariro jia tiha. à jia tópʉ sʉa, tina to wahmisʉma sehe to potoi dʉcʉ sʉ, tirore ño payoa, na tuhcua caha sʉ, muhri caha dijaha, pʉ ti wʉhdʉa wapari yahpa pihachʉpʉ.

Génesis 43:11

To ã nichʉ tʉhoro, ti pʉcʉro sehe tinare õ sehe ni yʉhtiha: —Jai. Ne dohse yoahto basioerara marine. Ã jina õ sehe yoaga: Tirore wapa sinino marieno mʉsa wahtire mʉsa wajupʉ posaa, naahga. Mari jiri dihta macaa bui noaare naabasaga tirore. Pjacʉ wisõa se bálsamore, me sitia mirrare, paye me sitiare, yucʉ dicha pistáciore, almendrare, ã jichʉ miquina mine tí payʉ noaare mahaa tirore naabasaga.

Génesis 43:28

To ã ni sinitu ñʉchʉ, õ sehe ni yʉhtiha tina: —Ãja, pʉhtoro. Catisinihre sã pʉcʉ. Noahre tiro —ni yʉhtiha. Ã ni yʉhtiata, pari turi na tuhcua caha sʉ, muhri caha boraha tjoa.