Génesis 43:15 - Wanano OT Portions

¹⁵ To ã nichʉ tʉhoa, to pohna sehe pʉhtorore wapa sinino marieno ti wahtire cahnoha. Tuhsʉ, ti nuchʉhti niñerure, ã jichʉ ti wiahti niñeru cʉ̃hʉre naha. Na tuhsʉ, ti bahʉro Benjamí cʉ̃hʉre pji, Egiptopʉ wahaa wahaha. Wahaa, José cahapʉ sʉha.

Génesis 43:15 ပူးပေါင်းရင်းမြစ်များ

Génesis 42:35

Yahu tuhsʉ, ti trigo wajure pjãwe, poho cũa tama, tina cãina ti ya wajupʉ ti wapamari niñeru wajucã sãachʉ ñʉha. Tíre ñʉ, tina cʉa yʉhdʉa wahaha. Ti pʉcʉro cʉ̃hʉ cʉa yʉhdʉa wahaha.

Génesis 43:11

To ã nichʉ tʉhoro, ti pʉcʉro sehe tinare õ sehe ni yʉhtiha: —Jai. Ne dohse yoahto basioerara marine. Ã jina õ sehe yoaga: Tirore wapa sinino marieno mʉsa wahtire mʉsa wajupʉ posaa, naahga. Mari jiri dihta macaa bui noaare naabasaga tirore. Pjacʉ wisõa se bálsamore, me sitia mirrare, paye me sitiare, yucʉ dicha pistáciore, almendrare, ã jichʉ miquina mine tí payʉ noaare mahaa tirore naabasaga.

Génesis 43:21

Wiho mejeta sã majare tjuaa, sã carĩhti cuhtui sʉ, sã naari wajure pjõo, sã ñʉchʉ, jipihtia sã wapamari niñeru tí wajupʉ sãari jire. Ã jina tíre na tahi, sã basita wiana tana.

Génesis 43:25

à yoa pʉhtoro mehne ti chʉhti cʉ̃hʉre yahuha tiro. To yahuchʉ tʉhoa, tina sehe Josére wapa sinino marieno ti wahtire cahnoha. Cahno tuhsʉ, cohari pja jichʉ to wihihtore cohtaha.