Génesis 42:34 - Wanano OT Portions

³⁴ Ã yoa pari turi tana, mʉsa bahʉ dʉhsarirore yʉhʉre na tabasaga. Mʉsa ã yoachʉ, ‘Potocã tjira. Ahrina quihõno yoaina barota jira’ ni, masiihca yʉhʉ. Tuhsʉ, mʉsa mahño ñʉ duhti sito taina mʉsa jieraa cʉ̃hʉre masiihca. Ã masicʉ, mʉsa coyeiro yʉ biha dapo dutirirore wioihca yʉhʉ. Tí pjapʉ mʉsa sehe ahri dihtare nohoi mʉsa tini duaroi tininahca” nihre sãre —ni yahuha tina ti pʉcʉrore.

Génesis 42:34 ပူးပေါင်းရင်းမြစ်များ

Génesis 42:15

Wiho mejeta mʉsa nia “¿Potocãta jijari?” ni masi duaca yʉhʉ. Ã jina õ sehe yoa ñʉjihna. Cʉ̃iro mʉsa mehne macariro waha, yʉhʉre mʉsa bahʉre na tabasarohca. Tiro to waha, tjua taro puro mʉsa dʉhsaina sehe õi peresu jinahca. Cua pisaro mehne õ sehe nii nija faraõ to wama mehne: Mʉsa õre ne wijaasi. Pʉ mʉsa bahʉ to wihichʉpʉ, wijaanahca mʉsa. Mari ã yoaro mehne yʉhʉ sehe “¿Mʉsa ã nia potocãta jijari?” ni, masii tai nija. Potocã jierachʉ, “¡Ahrina mahño ñʉ duhti sito tainata jira!” ni, masiihca yʉhʉ mʉsare —niha tinare.

Génesis 42:20

à yoa mʉsa bahʉ dʉhsarirore na, majare tjua taga. Ñʉjihna, ¿mʉsa potocã niina barota jijari? Mʉsa potocã niina jina, yariasi —niha José. To ã nichʉ, tina sehe, “Jai. Noanohca” ni, yʉhtiha.