Génesis 42:28 - Wanano OT Portions

²⁸ Ã ñʉno, to coyeare õ sehe niha: —¡Ñʉga! Yʉ wapamari niñeru cjiri yʉ wajurupʉ sãana. Tina yʉhʉre wia niri jira —ni ñoha tinare. To ñochʉ, tina to coyea sehe cʉa yʉhdʉa wahaha. Ã cʉaa, teterea wahaha. Tuhsʉ, ti basi õ sehe ni sinitu ñʉha: —¿Dohsearo marine Cohamacʉ ã yoajari? —ni sinitu ñʉha ti basi.

Génesis 42:28 ပူးပေါင်းရင်းမြစ်များ

Génesis 27:33

To ã nichʉ, Isaa tʉho cʉa wahaha. Ã yoa teterero mehne õ sehe niha: —¿Tí pja pinihta noa jihri mʉ pano wihiriro? Tiro cʉ̃hʉ to wajãrirore chʉa yoa, tuhsʉ na ta, yʉhʉre wahre. Yʉhʉ sehe chʉ tuhsʉ, Cohamacʉ tirore noano wahachʉ to yoahtire sini payo tuhsʉhi. Yoato Cohamacʉ noano wahachʉ yoahtire cjʉa tuhsʉra tiro —niha.

Génesis 42:29

à yoa ti jiro Canaãpʉ tjuaa sʉapʉ, tina ti pʉcʉrore jipihtia ti dohse yʉhdʉrire yahuha:

Génesis 42:36

à cʉaro, ti pʉcʉro sehe tinare õ sehe niha: —Yʉhʉre pohna marieriro yoaro sehe tjuachʉ yoa duana nina mʉsa. José mari mehne maria, Simeõ cʉ̃hʉ mariahna. ¿Mipʉre tjoa Benjamíre yʉhʉre mana tana nijari mʉsa? Tí mehne yʉhʉta jija ñano yʉhdʉ mʉjariro —ni tuhtiha tiro tinare.

Génesis 43:23

Ti ã nichʉ tʉhoro, tiro wʉhʉ cohtariro sehe õ sehe niha: —Jai. Noanohca. Cuiena tjiga. Pa tehe nino mʉsa Cohamacʉ, mʉsa pʉcʉ ño payorirota jiboa tíre sãano. Yʉhʉ sehe mʉsa wapaare yʉ basita tíre ñahahi —ni yahuha tinare. Ã ninota, tiro sehe waha, Simeõ peresupʉ jirirore wio, tina cahapʉ na sʉha.