Génesis 42:15 - Wanano OT Portions

^15-16 Wiho mejeta mʉsa nia “¿Potocãta jijari?” ni masi duaca yʉhʉ. Ã jina õ sehe yoa ñʉjihna. Cʉ̃iro mʉsa mehne macariro waha, yʉhʉre mʉsa bahʉre na tabasarohca. Tiro to waha, tjua taro puro mʉsa dʉhsaina sehe õi peresu jinahca. Cua pisaro mehne õ sehe nii nija faraõ to wama mehne: Mʉsa õre ne wijaasi. Pʉ mʉsa bahʉ to wihichʉpʉ, wijaanahca mʉsa. Mari ã yoaro mehne yʉhʉ sehe “¿Mʉsa ã nia potocãta jijari?” ni, masii tai nija. Potocã jierachʉ, “¡Ahrina mahño ñʉ duhti sito tainata jira!” ni, masiihca yʉhʉ mʉsare —niha tinare.

Génesis 42:15 ပူးပေါင်းရင်းမြစ်များ

Génesis 42:12

Ti ã ni yʉhtichʉ tʉhoro, José sehe tinare õ sehe niha: —¡Potocã jieraca! Ñʉ duhti sito tainata jica mʉsa —niha.

Génesis 42:14

Ti ã nipachʉta, tiro sehe tinare õ sehe niha: —Jierara. ¡Yʉ nino seheta jira! Mʉsa mahño ñʉ duhti sito tainata jira.

Génesis 42:20

à yoa mʉsa bahʉ dʉhsarirore na, majare tjua taga. Ñʉjihna, ¿mʉsa potocã niina barota jijari? Mʉsa potocã niina jina, yariasi —niha José. To ã nichʉ, tina sehe, “Jai. Noanohca” ni, yʉhtiha.

Génesis 42:30

—Sãre tó macariro pʉhtoro susioputiaro nihre. “Ahri yahpare dʉcata mahnoeraare mahño ñʉ duhti sito taina jira mʉsa” ni, sãre wiho warota tju õhre.

Génesis 42:34

à yoa pari turi tana, mʉsa bahʉ dʉhsarirore yʉhʉre na tabasaga. Mʉsa ã yoachʉ, ‘Potocã tjira. Ahrina quihõno yoaina barota jira’ ni, masiihca yʉhʉ. Tuhsʉ, mʉsa mahño ñʉ duhti sito taina mʉsa jieraa cʉ̃hʉre masiihca. à masicʉ, mʉsa coyeiro yʉ biha dapo dutirirore wioihca yʉhʉ. Tí pjapʉ mʉsa sehe ahri dihtare nohoi mʉsa tini duaroi tininahca” nihre sãre —ni yahuha tina ti pʉcʉrore.

Génesis 42:7

Ti ã yoachʉ ñʉno, tiro José sehe to wahmisʉmare dói ñʉ masiha. Ñʉ masiparota, ñʉ masierariro yoaro sehe tinare piti bocaha. Ã jiro susinino mehne tinare sinitu ñʉha: —¿Nohopʉ macaina jijari mʉsa? —ni sinitu ñʉha. To ã ni sinitu ñʉchʉ tʉhoa, tina sehe: —Canaã yahpa macaina jija sã. Tópʉ macaina chʉare nuchʉna tana tahi —ni yʉhtiha tirore.

Génesis 43:3

To ã nichʉ tʉhoro, to macʉno Judá sehe tirore õ sehe ni yʉhtiha: —Jai. Wiho mejeta sãre tó macariro pʉhtoro õ sehe nihre: “Mʉsa bahʉ dʉhsarirore na taerana, yʉ cahapʉ taena tjiga” nihre sãre.

Génesis 43:5

Mʉ warocaerachʉ, wahasi —niha tiro.