Génesis 41:56 - Wanano OT Portions

⁵⁶ Ã yoa Egipto jipihtiri yahpare jʉcaro wahachʉ, José sehe chʉare to wihboa wʉhʉsere pjõo, Egipto macainare dua dʉcaha. Sie sehe mehne tuaro jʉcaro wahaha.

Génesis 41:56 ပူးပေါင်းရင်းမြစ်များ

Génesis 12:10

Tí pjapʉre Canaã yahpare tuaro jʉcaro wahaa tiha. Ã wahachʉ ñʉno, Abrã mahari pja Egipto yahpapʉ jiro wahaa tiha.

Génesis 41:30

à yoa tí cʉhmari baharore siete cʉhmarita tuaro jʉcaro waharohca. Ahri yahpa jipihtiropʉre noaa cʉhmarine ti toari sehe dicha tierapahta, yaria pihtia wahaahca. à yoa payʉ chʉa ti cjʉamari cʉ̃hʉ pihtia wahaahca. à wahachʉ, masa sehe tuaro ñano yʉhdʉahca.

Génesis 41:35

Tí siete cʉhmari payʉ chʉa jiro puro tó sehe yoa, trigore na cahmachu wahcãjaro. Na cahmachu, mʉ dutiro seheta soro wihbojaro. Macaripe tíre mʉ dutiro seheta wihbo wahcãjaro, baharo masa ti chʉhti cjihti.

Génesis 41:55

à jia Egipto macaina sehe jʉca baa dʉcaa, faraõ cahapʉ chʉare sinia wahaa tiha. Tiro cahai sʉ, chʉare ti sinichʉ, tiro sehe jipihtina Egipto macainare õ sehe niha: —Josére sinina wahaga. à sinina, tiro mʉsare to dutiro seheta yoaga mʉsa —ni yʉhtiha tinare.

Génesis 41:57

Ne cʉ̃ yahpa, chʉa jiri yahpa mariaha. Ã jia jipihtia yahpari macaina Josére chʉa nuchʉa wahaa, Egiptopʉ sʉa tiha.

Génesis 42:6

à yoa tí pjare tiro José sehe Egiptopʉre pʉhtoro jia tiha. Tiro jipihtia yahpari macaina to cahai sʉinare chʉa duariro jia tiha. à jia tópʉ sʉa, tina to wahmisʉma sehe to potoi dʉcʉ sʉ, tirore ño payoa, na tuhcua caha sʉ, muhri caha dijaha, pʉ ti wʉhdʉa wapari yahpa pihachʉpʉ.

Génesis 43:1

Sie sehe mehne tuaro jʉcaro waharucuro niha Canaãpʉre.