Génesis 41:46 - Wanano OT Portions

⁴⁶ Faraõ to doca macariro pʉhtoro to sõri pjare tiro José sehe treinta cʉhmari cjʉariro jia tiha. Baharo faraõre coha sitiha tiro. Coha siti tuhsʉ, dahra dʉcaro taro, Egipto jipihtiropʉ ñʉ tinino wahaa wahaha.

Génesis 41:46 ပူးပေါင်းရင်းမြစ်များ

Génesis 41:47

à yoa siete cʉhmari waro, noaputia cʉhmari jiha. Tí cʉhmarine masa ti chʉhti cjihti payʉ waro dicha tiha.

Génesis 42:8

Tiro José to wahmisʉmare ñʉ masiha. Wiho mejeta tina sehe tirore ne ñʉ masieraha.

Génesis 45:6

Pʉa cʉhma jʉcaro yʉhdʉ tuhsʉra. Cinco cʉhmari jʉcaro waha namonohca. Tí cʉhmari waharo puro, masa sehe toaare ne toasi. Ti toachʉ cʉ̃hʉre, ne dusi. Ã jiro ti chʉboa ne marienohca.

2 Samue 5:4

à yoa Davi coã pʉhtoro ji dʉcaro, treinta cʉhmari cjʉaa tiha. To pʉhtoro jia cʉhmari õpe cʉhmari jia tiha. Hebrõ wama tiri macapʉ, to coyea Judá cjiro ya curua macaina warore ti pʉhtoro jiro, siete cʉhmari noano, pa cʉhma dacho maca waro ti pʉhtoro jia tiha. à yoa paina to coyea once curuari macaina cʉ̃hʉ tirore ti pʉhtoro sõa sʉri baharo sehere tiro tina jipihtina doce curuari macainare treinta y tres cʉhmari waro sʉho pʉhtoro ji namoa tiha tjoa, Jerusalẽ wama tiri macapʉ. à jiro jipihtiro cuarenta cʉhmari noano, pa cʉhma dacho maca waharoi, tópe cʉhmari pʉhtoro jia tiha Davi.

1 Samue 16:21

à yoa Davi Saulo cahapʉ sʉro, tiro mehne dahra jia tiha jʉna. à dahra jiro, to dutiro seheta yoaa tiha tiro. To ã noano dahrariro jichʉ ñʉno, Saulo sehe tirore to macʉnore to tuaro cahĩno yoaro seheta cahĩa tiha. à cahĩno, to surara mehne to sʉho cahma wajãno wahari pjare to wamoare cjʉabasahtiro cjihto sõa tiha tirore.