Génesis 41:40 - Wanano OT Portions

⁴⁰ Ã jicʉ yʉ yare ñʉ wihbohtiro jiga mʉhʉ. Tuhsʉ, pʉhtoro jicʉ, yʉ jiri wʉhʉi dahrainare dutihtiro jiga. Ã yoa jipihtina ahri yahpa macaina mʉ dutiro seheta yoaahca. Yʉhʉ faraõ dihta mʉhʉ bui dutiriro jiihca.

Génesis 41:40 ပူးပေါင်းရင်းမြစ်များ

Génesis 39:9

à jicʉ yʉhʉ cʉ̃hʉ ahri wʉhʉre to basi to dutiboro seheta dutiriro jii nija. Tuhsʉ, ahri wʉhʉi jia jipihtiare ñaha masija yʉhʉ. Mʉhʉ to namono pinihtare yʉhʉre cũerahre tiro. à jicʉ mʉhʉ mehne tó puro wʉrʉ ñano waro yoa masieraca yʉhʉ. Tó sehe yoai, Cohamacʉre yʉhdʉrʉca, buhiri tia wahaihca yʉhʉ —ni yʉhtiha ticorore.

Génesis 44:18

To ã nichʉ tʉhoro, Judá sehe José cahai waha, õ sehe ni siniha tirore: —Yʉhʉ mʉhʉre sinija, pʉhtoro. Yʉhʉre tʉho curega mʉhʉ. Masija. Mʉhʉ cʉ̃hʉ faraõ dutiro yoaro seheta dutiriro jira. Ã jicʉ cua pisaro mehne mʉhʉre ñʉja yʉhʉ. Mʉ ã pʉhtoro choro jicʉ, yʉhʉre wajã duacʉ, wajã masina. Yʉhʉre mʉ wajã duachʉ, pairo mʉ bui dutiriro yʉhʉre dʉcataboriro mariahca. Wiho mejeta pja ñʉga yʉhʉre. Yʉhʉ mehne suai tjiga.

Génesis 45:26

Tju sʉ, ti pʉcʉrore õ sehe ni yahuha: —Josére ñʉhi sã. Tiro catihre. Tirota jihre Egipto yahpa macariro pʉhtoro —ni yahuha. Ti ã ni yahuchʉ tʉhoro, ti pʉcʉro sehe tʉho cʉaa wahaha. Ti yahuare ne potocã tʉhoeraha.