Génesis 40:13 - Wanano OT Portions

¹³ Tia nʉmʉ baharo, tiro mʉsa pʉhtoro faraõ sehe mʉhʉre peresupʉ jirirore wiorohca. Wio tuhsʉ, mʉ dahrariro cjiro seheta pari turi mʉhʉre cũnohca tjoa. Ã jicʉ mʉhʉ sehe mʉ dahramariro seheta pari turi faraõre se co wa cohtariro jiihca tjoa —ni yahuha tirore.

Génesis 40:13 ပူးပေါင်းရင်းမြစ်များ

Génesis 40:1

Jia tiha pʉaro mʉa faraõ to cahamaca. Cʉ̃iro sehe tirore se co wa cohtaina pʉhtoro jia tiha. Pairo sehe tirore pão dahrebasa cohtaina pʉhtoro jia tiha. Cʉ̃ dacho faraõ to dutiro seheta yoaeraha tina.

Génesis 40:12

To ã ni yahuchʉ, José õ sehe ni yʉhtiha tíre: —Mʉ cahãri õ sehe ni duaro nina. Tia dʉpʉ, se dʉpʉri tia nʉmʉ quihõno nia.

Génesis 40:14

à ni tuhsʉ, õ sehe ni namoha: —Mʉ pʉhtoro mehne pari turi dahrai, yʉhʉ cʉ̃hʉre wacũ curega. Yoadohoga yʉhʉ cʉ̃hʉre. Yʉhʉ sehe buhiri marieno õpʉre peresupʉ jii nija. Tuhsʉ, hebreo masa ya yahpapʉ yʉ jisinichʉ cʉ̃hʉre wiho warota paina tuaro mehne ti yaca tariro jija yʉhʉ. Ahri quitire yʉhʉre yahubasaga mʉ pʉhtoropʉre. Tí quitire tʉhoro, yʉhʉ cʉ̃hʉre wioboca tiro —niha José.

Génesis 7:4

Yʉhʉ sehe siete dachori baharo, coro tachʉ yoai tai nija. Cuarenta nʉmʉri waro, ã dachori, ñamini, coro tarucurohca. Ahri yahpai jiinare, jipihtina yʉ bajuamehnerinape wajã pahñoi tai nija. Ne cʉ̃iro dʉhsaro marieno wajãihtja —niha tiro Noére.