Génesis 37:25 - Wanano OT Portions

²⁵ Tí copapʉ tirore ti tjuroca sãari baharo, nuju sʉ pihti, chʉ dujirucuha tina. Ti chʉ dujirucuchʉ waro, ismae masa sehe Galaapʉ sʉrina ti camelloa mehne taa bajuha. Ti camelloa buipʉ me sitia, bálsamo, mirra wama tiare Egiptopʉ ti duahtire naa niha tina.

Génesis 37:25 ပူးပေါင်းရင်းမြစ်များ

Génesis 37:24

Tuhsʉ, tirore naa wahcã, co nari copa cjiropʉ tjuroca sãaha. Tí copa sehe posa marieri copa, noano wʉari copa jiha.

Génesis 37:28

à niata, ismae masa ti cahai wihichʉ, ti bahʉro Josére, copapʉ ti tjuroca sãarirore na wioha. Na wio, tinare duaha. Ti duachʉ, tina sehe plata si paa cjoari, wapa bʉjʉa cjoari, veinte cjoari tinare wapaha. Wapa tuhsʉ, tirore Egiptopʉ naa wahaha jʉna.

Génesis 39:1

à yoa ismae masa Josére Egiptopʉ na sʉ, tó macariro Potifar wama tirirore dua turiaha. Tiro Potifar sehe Egipto macariro faraõ doca macariro pʉhtoro jia tiha. Faraõre ñʉ wihbo cohtainare dutiriro jiha tiro Potifar.

Génesis 43:11

To ã nichʉ tʉhoro, ti pʉcʉro sehe tinare õ sehe ni yʉhtiha: —Jai. Ne dohse yoahto basioerara marine. Ã jina õ sehe yoaga: Tirore wapa sinino marieno mʉsa wahtire mʉsa wajupʉ posaa, naahga. Mari jiri dihta macaa bui noaare naabasaga tirore. Pjacʉ wisõa se bálsamore, me sitia mirrare, paye me sitiare, yucʉ dicha pistáciore, almendrare, ã jichʉ miquina mine tí payʉ noaare mahaa tirore naabasaga.