Génesis 37:21 - Wanano OT Portions

^21-22 Ti ã nichʉ tʉhoro, Josére cahĩno, ti wahmino Rubẽ sehe tinare õ sehe niha: —Wajãena tjijihna mari bahʉre. Di yoa sitero marieno tirore ahri copa, co nari copa cjiropʉ, masa marienopʉ jiri copapʉ tjuroca sãajihna. Wiho mejeta tirore ñano cami dahre, wajãena tjijihna —niha. Tiro to bahana Josére ti wajãerachʉ cahmano, ã yoa ti pʉcʉro cahapʉ na tjuaa duaro, ã nimaha.

Génesis 37:21 ပူးပေါင်းရင်းမြစ်များ

Génesis 35:22

Tói ti jichʉ, to macʉno Rubẽ sehe to pʉcʉro namono Bila mehne wʉana tia tiha. To ã yoarire to pʉcʉro Israe sehe tʉho bocanocaha. Ã tʉho bocaro, to macʉno mehne tuaro suaa tiha tiro. Ã yoa Jacobo pohna mʉa jipihtina doce waro jia tiha.

Génesis 42:22

Ti ã ni durucuchʉ, ti wahmino Rubẽ sehe õ sehe niha: —Mʉsareta yahumai yʉhʉ. “Wahmʉnore wajãena tjijihna” ni, yahumahi yʉhʉ. Mʉsa tʉho duaerari buhiri mipʉre mari õ sehe yʉhdʉca —niha tiro.

Génesis 9:5

‘Ã yoa cʉ̃iro masʉno, o cʉ̃coro masono pairo masʉnore ti wajãchʉ, wajãrinare wajã cahmano cahmana. Tuhsʉ, dohse jiriro wahiquiro masʉno sehere to wajãchʉ, tiro cʉ̃hʉre wajã cahmano cahmana.