Génesis 33:18 - Wanano OT Portions

¹⁸ Ã yoa Jacobo Sucote yahpapʉ jimariro waha namo, Canaã yahpapʉ sʉha. Tó sehe yoa, Padã Arã yahpapʉ jimariro coha tjuaa sʉha jʉna. Ti tjuaarucuro puro tinare ne soro wahaeraha. Tópʉ tjuaa sʉro, Siquẽ wama tiri maca cahacãi ti wʉhʉsere tʉã dapo, tói jia tiha.

Génesis 33:18 ပူးပေါင်းရင်းမြစ်များ

Génesis 12:6

Tói sʉro, Abrã waha namo, te Siquẽpʉ sʉha. Tí maca cahai cʉ̃dʉ yucʉcʉ encinacʉ ducuha. Tʉ docai tí yahpa macaina cananeo masa ti cohamanare ti ño payori cuhtu jiha. Ti ño payori cuhtu Moré wama tiri cuhtu jiha. Tí cuhtu cahai Abrã cʉ̃hʉ sehe ti wʉhʉserire tʉã dapo, jisiniha.

Génesis 25:20

Isaa cuarenta cʉhmari cjʉaro, to pʉcʉbʉhʉro macʉno Betue macono Rebecare namo tia tiha. Ticoro Rebeca sehe Labã bahoro jia tiha. Tina sehe Padã Arã yahpa macaina jia, “arameo” ni, ti pisuina jia tiha.

Génesis 37:13

Tópʉ ovejaare ñʉ wihbo, ti jiro watoi, ti pʉcʉro Israe sehe ti bahʉro Josére õ sehe niha: —Siquẽpʉ mʉ wahmisʉma yʉ ovejaare ñʉ wihboa nica. Tina cahapʉ wahaga mʉhʉ —niha tirore. —Jai. Wahaihtja —ni yʉhtiha tiro José.