Génesis 32:28 - Wanano OT Portions

²⁸ To ã nichʉ, õ sehe niha tiro mʉno: —Mʉ wamare cohtotaihtja. Mʉhʉ “Jacobo” wama tisi jʉna. Cohamacʉ mehne, ã jichʉ mʉa mehne cʉ̃hʉre cahmachecʉ, mʉhʉ seheta cahmache, yʉhdʉrʉcahre. Ã jicʉ mipʉre “Israe” wama tiihca mʉhʉ —niha Jacobore. (“Israe” nino, “Cohamacʉ mehne cahmacheriro” nino nica hebreo masa ya dʉsero mehne)

Génesis 32:28 ပူးပေါင်းရင်းမြစ်များ

Génesis 17:15

à ni tuhsʉ, õ sehe ni yahu namoha: —Mʉ namo Sarai sehere mipʉre “Sarai” ni, wama pisu namoecʉ tjiga. Mipʉre Sara wama tirohca ticoro jʉna. (“Sara” ni pisuri wama, “pʉhtoro macono” niri wama jica hebreo masa ya dʉsero mehne)

Génesis 17:5

à jicʉ mipʉre mʉ wamare, Abrã ni ti pisuri wamare cohtotai tai nija. Payʉ masa curuari ñʉchʉno cjihto cũi tai nija mʉhʉre. à jicʉ mipʉre Abrahã wama tiihca mʉhʉ. (“Abrahã” ni pisuri wama, “payʉ masa curuari ñʉchʉno” niri wama jira hebreo masa ya dʉsero mehne)

Génesis 25:31

To ã nichʉ tʉhoro, Jacobo sehe to wahminore õ sehe niha: —Mʉ yʉhʉre mari pʉcʉ to yariari baharo, masa wahmino jicʉ, mʉ cjʉaborire mʉ wachʉ, yʉhʉ sehe mʉhʉre ahri chʉare waihtja —niha.

Génesis 32:24

To tjuarʉcʉ sʉchʉ, cʉ̃iro masʉno to cahai ta, tirore cjã suhsu, cahmache dʉcaha pʉ bohrea mʉja tachʉpʉ.

Génesis 32:27

To ã nichʉ tʉhoro, tiro sehe õ sehe ni sinitu ñʉha: —¿Dohse wama tijari mʉhʉ? —ni sinitu ñʉha. —Yʉhʉ Jacobo wama tija —ni yʉhtiha.

Génesis 33:20

à yoa tí dʉhteroi cʉ̃ tuhu tãa mehne dahre mʉori tuhu yoaha Jacobo. Tí tuhure “El Elohe Israe” ni, wamoaha. (“El Elohe Israe” nino “Cohamacʉ potocãta yʉhʉ Israe yʉ Cohamacʉta jira” nino nica hebreo masa ya dʉsero mehne)

Génesis 33:4

To ã yoachʉ, Esaú sehe Jacobo cahapʉ mʉroca mʉhtaa, to wamʉapʉ tirore cjã suhsuha. Cjã suhsu, tirore wahsupu wihmiha. Ã yoa tina pʉaropʉta tiiha.