Génesis 28:22 - Wanano OT Portions

²² Tuhsʉ, ahri cuhtu, tãcare yʉ na wahcõ dapori cuhtu, “Õ Cohamacʉ jiro jira” ni, yʉ quihõ cũri cuhtu sehe, yʉ mʉhʉre wacũ, wahchehti cuhtu cjihto jirohca. Ã yoa mʉhʉ yʉhʉre waapere, dohse jia paye barore, yʉhʉ cʉ̃hʉ típere mʉhʉre ño payoro mehne mahano, mahano wa mʉjaihtja —niha Jacobo Cohamacʉre.

Génesis 28:22 ပူးပေါင်းရင်းမြစ်များ

Génesis 12:8

Baharo tʉ̃ yucʉri payʉropʉ waha namoha tjoa. Wahaa, Betel wama tiri macare yʉhdʉa, sʉ̃ mʉja taro sehe waha, tópʉ ti wʉhʉserire tʉã dapo, jisiniha tjoa. Tói ti jichʉ, Betel sehe sʉ̃ sãano caha sehe tjuaha. Ã yoa pa maca Ai sehe sʉ̃ mʉja taro caha sehe tjuaha. Tó cʉ̃hʉre paro tãa mehne dahre mʉori tuhu yoa, Yawere ño payoha Abrã.

Génesis 14:20

à yoa tirore wahche payojihna mari. Tirota jiri jira mʉhʉre cahma wajã yʉhdʉrʉcachʉ yoariro —ni sini payoha Abrãre. To ã ni sini payochʉ tʉhoro, Abrã sehe Cohamacʉre ño payoha. Cohamacʉre ño payoro, Melquisede sehere paye baro to tjua naripere mahano, mahano waha.

Génesis 28:17

To ã ni tʉhotuchʉta, tirore cuaro wʉrʉ pja wihiha. Ã cuaro wʉrʉ pja wihichʉ, õ sehe ni tʉhotu namoha tiro: “Õ cua pisaro waro jiri jira. Cohamacʉ jiro jiri jira. Mʉanopʉ sʉri casario to dija wihirʉcʉ sʉro jiri jira õ” ni, tʉhotuha tiro.

Génesis 33:20

à yoa tí dʉhteroi cʉ̃ tuhu tãa mehne dahre mʉori tuhu yoaha Jacobo. Tí tuhure “El Elohe Israe” ni, wamoaha. (“El Elohe Israe” nino “Cohamacʉ potocãta yʉhʉ Israe yʉ Cohamacʉta jira” nino nica hebreo masa ya dʉsero mehne)