Génesis 27:46 - Wanano OT Portions

⁴⁶ Baharo to manʉno Isaa cahapʉ waha, “Jacobore pa sehepʉ warocajaro” nino, õ sehe niha tirore: —Esaú namosanumia, hitita masa numia mehne pume yʉhdʉa wahaca yʉhʉ. Jacobo cʉ̃hʉ ahri yahpa macaricoro hitita masonoreta to namo tichʉ, cahyaa mehne yariacohca yʉhʉ —niha ticoro Isaare.

Génesis 27:46 ပူးပေါင်းရင်းမြစ်များ

Génesis 24:3

—Ahri yahpa, yʉ jiri yahpa, Canaã yahpa macaricorore yʉ macʉ namo cjihto cahmaeraja. Ã jicʉ mʉ õ sehe yoachʉ cahmaja. Yʉ jimari yahpa cjiropʉ waha, yʉ coyea poto pohna numiare cʉ̃coro bese, yʉ macʉ Isaare sinibasai wahaga. Ã yoa mʉhʉ sehe Yawe, mʉanore, ã jichʉ ahri yahpa cʉ̃hʉre bajuamehneriro to ñʉrocaroi yʉhʉre cua pisaro mehne õ sehe ni yʉhtiga: “Jai. Wahaihtja. Mʉ yoa dutiro seheta yoa, sohtori tiihtja” ni, yʉhtiga yʉhʉre —niha Abrahã.

Génesis 28:8

Tí quitire tʉho bocaro, õ sehe ni tʉhotuha tiro: “Mipʉ masija. Yʉhʉ sehe ahri yahpa, Canaã yahpa macaa numiare, pʉaro numiare namo timahi. Yʉ pʉcʉ sehe tí numiare ñʉ ji coaerari jira. Ã jicʉ tí numiare cohãerapaihta waha, yʉ coyea poto maconore yʉ namo ti namochʉ, noaboca yʉhʉre” ni, tʉhotuha tiro. Ã ni tʉhoturo, to ñʉchʉno Abrahã cjiro macʉno Ismae cahapʉ wahaa wahaha. Tópʉ sʉ, Ismae macono Mahalatere namo tiha tjoa. Ticoro Mahalate sehe Nebaiote bahoro jiha.

Joná 4:3

à jicʉ õ macainare mʉ buhiri dahrerachʉ, ne ji coaeraca yʉhʉ. Yʉ yariaa wahachʉ noa yʉhdʉaboa yʉhʉre. à jicʉ mʉhʉ sehe tinare mʉ wajãboriro cohtotaro, yʉhʉ sehere wajã bahrañoga —niha Joná Cohamacʉre.

Joná 4:9

To ã nichʉ tʉhoro, Cohamacʉ sehe tirore õ sehe niha: —Ahdʉ yucʉcʉcã mʉhʉre corucudʉcã to yariachʉ, suacʉ, wiho warota suai nina mʉhʉ —niha Cohamacʉ tirore. To ã nichʉ tʉhoro, tiro Joná sehe Cohamacʉre õ sehe niha: —Wiho warota suai nieraja. Quihõno suai nija yʉhʉ. Michapucacãta yʉ yariaa wahachʉ, noaboa yʉhʉre —ni yʉhtiha.