Génesis 27:38 - Wanano OT Portions

³⁸ To ã nipachʉta, Esaú sehe ne tjuaeraha. Sinituha tjoa: —¿Paye mʉ yʉhʉre sini payoboa mariaputiajari? ¡Yʉhʉ cʉ̃hʉre sini payo curega! —nimaha. Ã ninota, tuaro sañurucu, tiiha tiro.

Génesis 27:38 ပူးပေါင်းရင်းမြစ်များ

Génesis 27:34

To pʉcʉro tirore ã nichʉ tʉhoro, tuaro tiiha. Ã tiiro, õ sehe ni sañurucuha: —Mai, yʉhʉ cʉ̃hʉre Cohamacʉ yʉhʉre to noano wahachʉ yoahtire sini payo curega —ni sañurucuha.

Génesis 27:36

To ã nichʉ, Esaú õ sehe ni yʉhtiha: —¡Quihõno yʉ bahʉre “Jacobo” ni, pisuna niri jira mʉsa! ¡Mahñoa mehne mariro jira tiro! ¡Pʉa taha mehne yʉhʉre ã yoaro nina! Wahmanore masa wahmino jicʉ, yʉ ñahaborire yʉ bahʉ yʉhʉre mahre. Mipʉ sehere Cohamacʉ yʉhʉre to noano wahachʉ yoaborire mana. Mai, ¿yʉhʉ cʉ̃hʉre ne cʉ̃no mʉ sini payoboro mariaputiajari? —niha.

1 Samue 11:4

à yoa ti sininore Naha “Jai” to ni yʉhtichʉ tʉhoa, tina Jabe macaina pʉhtoa sehe ti coyea ti jiri yahpapʉ tí quitire yahu site tini dutia, payʉ masa wa siterocaha. Ti ã wa siterocachʉ, cãina sehe waha, pʉ ti pʉhtoro sõriro Saulo to jiri maca Gibeápʉ yahu sitea sʉha. à yahu sitea sʉa, jipihtia tinare waharire, ã jichʉ ti jiri maca Jabe macaina pʉhtoa amonita masa pʉhtoro mehne ti sʉhʉduri cjiri cʉ̃hʉre yahuha. Tí quitire ti yahuchʉ tʉhoa, tí maca macaina sehe tʉho cʉa wahaha. à tʉho cʉa, cahyaro mehne tuaro tiiha tina.