Génesis 25:34 - Wanano OT Portions

³⁴ Ã jiro tirore Jacobo sehe pãore, ã jichʉ lenteja to dohaa cori cʉ̃hʉre waha jʉna. To wachʉ, Esaú sehe tíre chʉ, sihni tu tuhsʉ, wahcãrʉcʉ sʉ, wahaa wahaha. “Yʉhʉ masa wahmino jicʉ, yʉ cjʉaboa ne yaba cjihti jierara” ni, tʉhotuha tiro.

Génesis 25:34 ပူးပေါင်းရင်းမြစ်များ

Génesis 25:29

à yoa cʉ̃ nʉmʉ Jacobo chʉare doharo niha. To doharo watoi, to wahmino Esaú yoaropʉ tinino sʉriro, pumeriro tju wihiha.

Génesis 25:33

To ã nichʉ, Jacobo sehe õ sehe niha: —Cohamacʉ to ñʉrocaroihta cua pisaro mehne yʉhʉre yahuga —niha. To ã nichʉ tʉhoro, Esaú sehe: —Cohamacʉ to ñʉrocaroi mʉhʉre õ sehe nija. Mari pʉcʉ to yariari baharo, yʉ masa wahmino jicʉ, yʉ cjʉaborire mʉhʉ sehere wajaro —niha. To ã ni yahuro mehne, Esaú to masa wahmino jiro, to cjʉaborire cohtota, Jacobo sehere wa dutiro niha.

Génesis 27:32

To ã nichʉ, Isaa tirore õ sehe ni sinitu ñʉha: —¿Noa jijari mʉhʉ? —ni, sinitu ñʉha. —Yʉhʉ jija mʉ macʉ, Esaú, masa wahmino —ni yʉhtiha tiro.

Zacaría 11:13

Tícãre yʉhʉre ti wapari baharo, Yawe sehe yʉhʉre õ sehe yoa dutihre: “Tícãre mʉhʉre bʉjʉa mejeta ti waparicãre ya wʉhʉpʉ naa, yʉ niñeru ti cahmachusoriapʉ duhu sãaga” nihre. To ã nichʉ tʉhoi, yʉhʉ sehe tí treinta cjoaricãre mahanocã wapa tiacãre Cohamacʉ ya wʉhʉpʉ naa, niñeru ti cahmachusoriapʉ tícãre duhu sãahi jʉna —ni yahuha tiro Zacaría.