Génesis 25:33 - Wanano OT Portions

³³ To ã nichʉ, Jacobo sehe õ sehe niha: —Cohamacʉ to ñʉrocaroihta cua pisaro mehne yʉhʉre yahuga —niha. To ã nichʉ tʉhoro, Esaú sehe: —Cohamacʉ to ñʉrocaroi mʉhʉre õ sehe nija. Mari pʉcʉ to yariari baharo, yʉ masa wahmino jicʉ, yʉ cjʉaborire mʉhʉ sehere wajaro —niha. To ã ni yahuro mehne, Esaú to masa wahmino jiro, to cjʉaborire cohtota, Jacobo sehere wa dutiro niha.

Génesis 25:33 ပူးပေါင်းရင်းမြစ်များ

Génesis 14:22

To ã nichʉ, Abrã õ sehe ni yʉhtiha: —Yawe, Jipihtina Bui Ji Yʉhdʉrʉcʉ Sʉriro, mʉano, ã jichʉ ahri yahpare bajuamehneriro to tʉhoroi cua pisaro mehne õ sehe nija:

Génesis 24:3

—Ahri yahpa, yʉ jiri yahpa, Canaã yahpa macaricorore yʉ macʉ namo cjihto cahmaeraja. Ã jicʉ mʉ õ sehe yoachʉ cahmaja. Yʉ jimari yahpa cjiropʉ waha, yʉ coyea poto pohna numiare cʉ̃coro bese, yʉ macʉ Isaare sinibasai wahaga. Ã yoa mʉhʉ sehe Yawe, mʉanore, ã jichʉ ahri yahpa cʉ̃hʉre bajuamehneriro to ñʉrocaroi yʉhʉre cua pisaro mehne õ sehe ni yʉhtiga: “Jai. Wahaihtja. Mʉ yoa dutiro seheta yoa, sohtori tiihtja” ni, yʉhtiga yʉhʉre —niha Abrahã.

Génesis 25:32

To ã nichʉ tʉhoro, Esaú sehe õ sehe ni yʉhtiha: —Jai. Waihtja. Jʉca mehne yariaipʉ nica yʉhʉ. Jʉca mehne yʉ yariari baharo, tí yʉ masa wahmino jicʉ, yʉ cjʉabori ne yaba cjihti jierara yʉhʉre —ni yʉhtiha.

Génesis 25:34

à jiro tirore Jacobo sehe pãore, ã jichʉ lenteja to dohaa cori cʉ̃hʉre waha jʉna. To wachʉ, Esaú sehe tíre chʉ, sihni tu tuhsʉ, wahcãrʉcʉ sʉ, wahaa wahaha. “Yʉhʉ masa wahmino jicʉ, yʉ cjʉaboa ne yaba cjihti jierara” ni, tʉhotuha tiro.

Génesis 27:1

Isaa bʉcʉro waro waha, capari ñʉ sʉerariro tjuaha. Ã jiro cʉ̃ nʉmʉ to macʉno Esaú masa wahminore pjiroca, õ sehe niha: —Yʉ macʉ —niha. —Õi jija mai —ni yʉhtiha tiro.

Génesis 27:32

To ã nichʉ, Isaa tirore õ sehe ni sinitu ñʉha: —¿Noa jijari mʉhʉ? —ni, sinitu ñʉha. —Yʉhʉ jija mʉ macʉ, Esaú, masa wahmino —ni yʉhtiha tiro.

Génesis 27:36

To ã nichʉ, Esaú õ sehe ni yʉhtiha: —¡Quihõno yʉ bahʉre “Jacobo” ni, pisuna niri jira mʉsa! ¡Mahñoa mehne mariro jira tiro! ¡Pʉa taha mehne yʉhʉre ã yoaro nina! Wahmanore masa wahmino jicʉ, yʉ ñahaborire yʉ bahʉ yʉhʉre mahre. Mipʉ sehere Cohamacʉ yʉhʉre to noano wahachʉ yoaborire mana. Mai, ¿yʉhʉ cʉ̃hʉre ne cʉ̃no mʉ sini payoboro mariaputiajari? —niha.