Génesis 25:30 - Wanano OT Portions

³⁰ Ã tju wihiro, to bahʉrore õ sehe niha: —Jʉca baa yʉhdʉa wahaca yʉhʉ. Tí mʉ dohaa, sohãare yʉhʉre wa curega mʉhʉ —ni siniha. Ã jiro Esaú pʉa wama cjʉa dʉcaha. “Edomo” niri wamare cjʉa dʉcaha tiro. (“Edomo” niri wama sehe, “sohãno” nino nica hebreo masa ya dʉsero mehne)

Génesis 25:30 ပူးပေါင်းရင်းမြစ်များ

Génesis 25:29

à yoa cʉ̃ nʉmʉ Jacobo chʉare doharo niha. To doharo watoi, to wahmino Esaú yoaropʉ tinino sʉriro, pumeriro tju wihiha.

Génesis 25:31

To ã nichʉ tʉhoro, Jacobo sehe to wahminore õ sehe niha: —Mʉ yʉhʉre mari pʉcʉ to yariari baharo, masa wahmino jicʉ, mʉ cjʉaborire mʉ wachʉ, yʉhʉ sehe mʉhʉre ahri chʉare waihtja —niha.

Génesis 32:3

à yoa tí pjapʉre Jacobo wahmino Esaú Edomo yahpapʉ jia tiha. “Seir” ni, ti pisuri yahpa cʉ̃hʉ jia tiha tí yahpa. à yoa Jacobo cãina to mʉare Esaúpʉre quiti naa dutiro warocaha.

Génesis 32:4

Õ sehe ni yahuha to warocainare: —Mʉsa mehne quiti waroca duaja yʉ wahmi Esaúpʉre. Õ sehe ni yahubasaga yʉhʉre: “‘Yʉhʉ, mʉ bahʉ Jacobo, ño payoro mehne mʉhʉre noa dutija. Mari bachʉ Labã cahai yoari pja dahra jija. Tiro mehne dahra jii, wahiquina nuina wachʉare, burroare, ovejaare, cabraare wapataja. Dahra cohtaina mʉare, ã jichʉ dahra cohtaina numia cʉ̃hʉre wahre yʉhʉre, yʉ dahrari wapa. Mipʉre tjua taipʉ nija’ ni, yahurocahre mʉ bahʉ mʉhʉre” ni, yahubasaga yʉhʉre. “Noano mehne mʉ tirore ñahachʉ cahmano, ño payoro mehne ahri quitire sãre mʉhʉre yahu duti warocahre” niga yʉ wahmire —ni yahu duti warocaha tinare.

Éxodo 15:15

Edomo masa curua pʉhtoa cʉ̃hʉ tuaro cuiahca. Tuhsʉ, moabita masa curua pʉhtoa cʉ̃hʉ cuiro mehne tetereahca. Ã yoa jipihtina Canaã yahpa macaina cʉ̃hʉ cuiro mehne, “Tinare bihosi mari” ni, tʉhotuahca.