Génesis 25:23 - Wanano OT Portions

²³ To ã sinitu ñʉchʉ tʉhoro, tiro sehe õ sehe ni yʉhtiha: —Mʉ pjaropʉre jiina, mʉ pohna, pʉa curua, masa curuari macaina ti ñʉchʉsʉma cjihti jira. Ti masa bajuari baharo, ti basi cahma ñʉ tuhti dʉcaahca tina. Tuhsʉ, baharopʉ cʉ̃hʉre mʉnanota cʉ̃iro ya curua, pairo ya curua mehne ñano ti basi cahma ñʉ tuhtirucuahca. Ã jihtina jia, dóihta mʉ pjaropʉre ti basi cahma tjurocayu tuhsʉa nina tina. Tina pʉaro ya curuari cjihti sehe cʉ̃ curua tuari curua, pa curua tuaerari curua jirohca. To bahʉro ya curua sehe tuari curua jirohca. Ã jiro to wahmino ya curua sehe to bahʉro ya curua docai jirohca —ni yʉhtiha Yawe ticorore.

Génesis 25:23 ပူးပေါင်းရင်းမြစ်များ

Génesis 17:16

Ticorore noano wahachʉ yoa, ticoro mehneta cʉ̃irocã mʉ macʉ cjihtore mʉhʉre waihtja. Ahri potocã tjira. Ticorore noano wahachʉ yoaihtja. Ã jiro ticoro sehe payʉ masa curuari ñʉchono cjihto jirohca. Ticorore ji nʉnʉ tihtina, to panamanata cãina masa curuari pʉhtoa cjihti jiahca —ni yahu namoha Cohamacʉ Abrahãre.

Génesis 17:4

—Cua pisaro mehne mʉhʉre õ sehe ni namoja. Payʉ masa curuari ñʉchʉno cjihto jiihca mʉhʉ.

Génesis 24:60

To wahahto pano, to coyea sehe ticorore “Noano wahajaro” nia, õ sehe niha: —Mʉhʉ, sã coyeacoro, sã cahĩricoro payʉ pohna ti, payʉ panamana tiga. Ã yoa mʉhʉre ji nʉnʉ tihtina payʉ masa puti, tinare ñʉ tuhtiinare cahma wajã yʉhdʉrʉca, ti jia macarire ma, tí macaripʉ jijaro —niha tina.

Génesis 25:24

à yoa to pohna tiri pja mʉ sʉchʉ, Rebeca niji wahcõ, pʉarocã sʉhʉdʉainacãre pohna tiha jʉna.

Génesis 25:27

à yoa tinacã bʉcʉa wahaha jʉna. Esaú sehe yoaropʉ tini ji coariro jia tiha. Tuhsʉ, wahiquina muhsioriro jia tiha tiro. Wahiquina to wajãinare to pʉcʉro sehe chʉ ji coa yʉhdʉa tiha. à jiro tirore tuaro cahĩa tiha. Jacobo sehe soro jia tiha. Tiro yoaropʉ waharo marieno wʉhʉi ji ji coabiaa tiha. à jiro Rebeca sehe Esaú bui Jacobo sehere cahĩa tiha.

Génesis 27:29

à yoa jipihtia paye yahpari macainare duti yʉhdʉrʉcariro jiihca mʉhʉ. Mʉ ã duti yʉhdʉrʉcariro jichʉ, masa curuaripe macaina ño payoahca mʉhʉre. Mʉ coyea cʉ̃hʉre dutiriro jiihca. Mʉhʉre ñano yoaina Cohamacʉ to buhiri dahrehtina jiahca. à yoa mʉhʉre noano yoainare Cohamacʉ tinare noano yoa cahmanohca —ni sini payoha.

Génesis 27:33

To ã nichʉ, Isaa tʉho cʉa wahaha. Ã yoa teterero mehne õ sehe niha: —¿Tí pja pinihta noa jihri mʉ pano wihiriro? Tiro cʉ̃hʉ to wajãrirore chʉa yoa, tuhsʉ na ta, yʉhʉre wahre. Yʉhʉ sehe chʉ tuhsʉ, Cohamacʉ tirore noano wahachʉ to yoahtire sini payo tuhsʉhi. Yoato Cohamacʉ noano wahachʉ yoahtire cjʉa tuhsʉra tiro —niha.

Génesis 27:37

To ã nichʉ, Isaa õ sehe ni yʉhtiha: —Tʉhoga mʉhʉ. Yʉhʉ yoato Jacobore mʉ pʉhtoro cjihto cũ tuhsʉhi. Ã yoa to coyea sehe to cahamaca jiahca. Tuhsʉ, cʉhmaripe payʉ trigo, payʉ se co cjʉarucurohca tiro, ni tuhsʉhi. Mipʉ pinihtare, macʉ, dohse yoa masieraca yʉhʉ mʉhʉre —niha.

Génesis 27:40

Paina mehne cahma wajãa, mʉ maa mehne catiihca mʉhʉ. Tuhsʉ, yoari pja mʉ bahʉ cahamacʉno jiihca mʉhʉ. Jima, pume, to cahamacʉno mʉ jiare wijaaihca mʉhʉ jʉna —niha tirore.

Génesis 32:6

à yoa tí quitire naarina sehe majare tju wihi, õ sehe niha: —Mʉ wahmi Esaú cahapʉ sʉhi sã. Tiro ta tuhsʉhre mʉhʉre piti bocaro taro. à yoa cuatrociento mʉa to masa cʉ̃hʉ tiro mehne tahre —ni yahuha.

Génesis 33:3

Tinare cʉ̃ pohna dapo tuhsʉ, tiro Jacobo sehe ti pano sʉrʉcʉ sʉha jʉna. Sʉrʉcʉ sʉ, Esaúre piti bocaro wahaha. Piti bocaro waharo, Jacobo waha, sʉrʉcʉ sʉ, na tuhcua caha sʉ, muhri caha dijaha pʉ to wʉhdʉa wapa yahpa pihachʉpʉ. Wahcãrʉcʉ sʉ, pari turi wahaha tjoa. Waha, sʉrʉcʉ sʉ, na tuhcua caha sʉ, muhri caha dijaha tjoa, pʉ to wʉhdʉa wapa yahpa pihachʉpʉ. Siete tahari ã yoa wahcã, Esaú cahacãpʉ sʉha jʉna.

Números 20:14

à yoa israe masa Cadese wama tiri macapʉ ti jisinichʉ, Moise sehe cãinare bese, Edomo yahpa macariro pʉhtoro mehne durucu dutiro warocaha. “¿Mʉ ya yahpai sã poto yʉhdʉ wahcãchʉ, noaerabocari?” ni, sinitu ñʉ duti warocaro niha. à jia to warocarina sehe tí yahpapʉ sʉa, Moise to sinitu ñʉ dutiriro seheta õ sehe ni sinitu ñʉha tina: —Pʉhtoro, mʉ coyea israe masa ahri quitire mʉhʉre yahu dutia, mʉ cahapʉ warocahre sãre. “Mʉhʉ sehe masina sã ñʉchʉsʉma cjiri Egipto yahpapʉ waha, tópʉ yoari pja ti jirire. Tí yahpapʉ ti jichʉ, tó macaina sehe sã ñʉchʉsʉma cjirire, ã yoa sã cʉ̃hʉre ñano cahamaca tipehre. à jicʉ Egiptopʉ sã ñano yʉhdʉrire masina mʉhʉ.