Génesis 18:22 - Wanano OT Portions

²² Ã ni to yahuri baharo, pʉaro tirore ñʉa tarina Sodomapʉ yʉhdʉa wahaha. Ã yoa cʉ̃iro tina mehne macariro Yawe Abrahã mehne tjuarʉcʉ sʉha.

Génesis 18:22 ပူးပေါင်းရင်းမြစ်များ

Génesis 18:16

à yoa tina tiniri masa tiaro jiina wahcãrʉcʉ sʉ, Sodoma wama tiri macare ñʉ siteroca bororopʉ dijaa wahaha. à yoa Abrahã cʉ̃hʉ tinare piti ti wahcãha. Ti wahahti mahare ño, tinare coha siti, majare tjuaaro waharo niha.

Génesis 18:17

Dóipʉ tina tiniri masa, tiaro mehne macariro cʉ̃iro jiha Yawe. Ã yoa tiro to basi õ sehe ni tʉhotuha: “Abrahãre yʉ yoahtire yahuro cahmaca yʉhʉre. Ne tirore nʉoeraro cahmaca tíre.

Génesis 19:1

Nahi bora tachʉ waro, pʉaro anjoa, Cohamacʉ mehne taina cjiri, Sodoma wama tiri macare sʉha jʉna. Tí maca sehe tí maca dʉhtʉ cahare tãa mehne ti sahrĩ sãari maca jiha. Tí sahrĩno sãari sopaca wijaroi dujiha Abrahã bahʉro macʉno Lote. Ã yoa tói dujiro, ti tarucuchʉ ñʉ bocaha tiro. Ã ñʉ bocaro, wahcãrʉcʉ sʉ, piti boca wahcãha tinare. Ti cahai sʉ, na tuhcua caha sʉha. Na tuhcua caha sʉ, muhri caha dijaha pʉ to wʉhdʉa wapa yahpa pihachʉpʉ. Tó sehe yoa, tinare siniha tiro.

Génesis 19:27

à yoa pa nʉmʉ bohrea caharoi Abrahã sehe Yawe mehne to durucu tjuaamariro cjiropʉ wahaha jʉna.