Éxodo 40:34 - Wanano OT Portions

³⁴ To tuhsʉri baharota, Cohamacʉ jiri curua, me curua sehe tí wʉhʉre bihaa wahaha. Ã wahachʉta, Yawe to si sitea cʉ̃hʉ tí wʉhʉre tuaro si site sahsea wahaha.

Éxodo 40:34 ပူးပေါင်းရင်းမြစ်များ

2 Samue 7:6

Panopʉta israe masa curuare Egipto yahpapʉ jiri curuare na wio, yʉ na taa tiri pjapʉta wʉhʉ, noari wʉhʉ wʉrʉ maera tihi yʉhʉ. Ã maerai, israe masa ti õpʉ tarucua tiri pjapʉre ti tʉã dapo mʉjari wʉhʉcãpʉ jia tihi yʉhʉ. Te mipʉ cʉ̃hʉre tí wʉhʉcãpʉta jisinija yʉhʉ.

2 Crónica 5:13

à ti wijaari baharo, paina sacerdotea wijaropʉ jiyurina sehe ti trompetarire puti dʉcaha, Yawere wache payoa taa. Ti putichʉta, comaa wapari, noano coaro tia wapari cjʉaina, tuhsʉ, bʉapʉtẽa cjʉaina cʉ̃hʉ cʉ̃no potori yʉhti pihti mʉa wahaha. Tó sehe yoa, tina jipihtina ji coaro mehne Yawere basa payoa tiha jʉna. Õ sehe ni basa payoha tina: —Yawe mari Cohamacʉ masa noariro jira. Marine tiro ne cahĩ duhusi —ni basa payoa tiha tina. Ti ã ni basa payorucuchʉ waro, wacũenoca me curua, Yawe jiri curua sehe tí wʉhʉre ji biha mʉa wahaha.

Éxodo 14:24

Ti nʉnʉ ti pahãrucusinino wato, bohrea parĩ caharoi, Yawe sehe me curua, ã jichʉ pichaca pohna yoaro sehe bajuri pohnapʉ jitjiãhno, egipto masa surarare ñʉroca dijoha. Ã ñʉroca dijoro, tiro cuichʉ yoaha tinare. Ti ã cuichʉ, tʉho masia pihtia wahaha tinare.

Éxodo 16:10

à yoa Aarõ sehe Moise to ni dutiriro seheta niha jipihtina ti masare. Tinare to yahuro wato, tina sehe tí dʉjʉrore ñʉ siterocamaa, wacũenoca Yawe to jiri curua, me curuapʉ to si site mʉachʉ ñʉha.

Éxodo 25:8

‘Ã yoa paro, cʉ̃ wʉhʉ, ti na wahcã mʉja masihti wʉhʉre, yʉ tina watoi jihti wʉhʉ, yʉ sahsero cjʉahti wʉhʉ cʉ̃hʉre dahrebasajaro yʉhʉre.

Levítico 16:2

à yoa Yawe Moisere õ sehe niha: —Mʉ wahmi Aarõre õ sehe ni yʉhʉre yahubasaga: Yʉ yahu quihõeraa dachorire yʉ ya tahtiapʉre yʉhdʉ sãaeno tjijaro tiro. Yʉhʉ sehe tí tahtiapʉ jiri caro, yʉ mʉsare dutiare yʉ joa õa pjĩnine mʉsa wihbori caro cahapʉ jija. Tí carore bihari pjĩ bui jiri me curuapʉ jija yʉhʉ. Tói yʉ jichʉ, tí tahtia sehe ñaa marieni tahtia waro jira. à jiro yʉ yahu quihõeraa dachorire sãaeno tjijaro tiro. To mʉ sʉro sãano pinihta, yariaa waharohca.