Éxodo 40:20 - Wanano OT Portions

²⁰ Ã yoa tuhsʉ, õ sehe yoaha tjoa: Cohamacʉ to dutiare to joa naa pjĩnine na, tí pjĩnine Cohamacʉ to wihbo dutiri caropʉ wihbo sãaha. Wihbo sãa tuhsʉ, tí carore ti wʉahti yucʉrire tí caroi wahã sororipʉ siõ sãa õha. Tuhsʉ, tí carore bihaha jʉna.

Éxodo 40:20 ပူးပေါင်းရင်းမြစ်များ

2 Crónica 5:10

à yoa tí caropʉre tãa pjĩni, pʉa pjĩ, Yawe to diez dutiare to joaa pjĩni sãa tiha. Tí pjĩni sehe Moise cjiro to wihbo sãa pjĩni jia tiha. Israe masa Egiptopʉ cahamaca jimarina ti wijaari baharo waha, tʉ̃cʉ Sinaí cahapʉ sʉ, ti jisinino wato, Yawe sehe tinare tí to dutiare wiho yahusinia tiha. Tíre yahuro taro, õ sehe nia tiha tiro tinare: “Yʉ dutiare mʉsa quihõno yʉhtichʉ, payʉ masa curuari watoi jiri curuare yʉ ya curua cjihto beseihtja mʉsare. à jina yʉ cahĩina waro jinahca mʉsa” ni, yahua tiha tiro tinare. à yoa israe masa sehe Yawe to diez dutiare to yahuchʉ tʉhoa, “Mʉ dutia jipihtiare yʉhtinahtja sã” ni, yʉhtia tiha tirore. Ti ã ni yʉhtiri baharo, Yawe to basi tíre tãa pjĩnipʉ joa õ, tinare waa tiha jʉna.

Éxodo 16:34

à yoa Aarõ sehe to niriro seheta yoaha. Dihi situcãpʉ pʉa litro manáre posaa, tí situcãre Cohamacʉ to dutiare ti wihbori caro cahai wihbo dapoha.

Éxodo 31:18

à yoa Cohamacʉ tʉ̃cʉ Sinaí sohtoapʉ jiro, Moise mehne sʉhʉdu batoaha jʉna. à jiro tiro pʉa pjĩ, tãa pjĩnipʉ to dutiare to basi to joa õa pjĩnine Moisere wiaha.

Éxodo 40:19

Tí botarire dapo tuhsʉ, õ sehe yoaha tjoa: Cabraa cahsari mehne ti dereri cahsaro wʉrʉ mehne tí wʉhʉre mohaha. Tí cahsaro wʉrʉ buipʉ pa cahsaro wʉrʉre moha payo, tʉã dapo namoha. Tí wʉhʉ sopaca dihtare bihaerasiniha. Ã yoaro, Yawe to dutiro seheta yoaro niha Moise.