Éxodo 3:12 - Wanano OT Portions

¹² To ã nichʉ tʉhoro, Cohamacʉ sehe tirore õ sehe niha: —Cuii tjiga. Yʉhʉ cʉ̃hʉ mʉhʉ mehneta jiihca tópʉre. Tuhsʉ, yʉ masa curua, Egipto yahpapʉ jiinare mʉ na wiori baharo, õpʉta tina mehne wihiihca mʉhʉ. Ã wihicʉ, ahdʉ tʉ̃cʉpʉta tinare yʉhʉre sʉho ño payoihca mʉhʉ. Ã ño payoipʉ, mʉhʉ sehe “Potocãta Cohamacʉta jiri jira yʉhʉre tinare na wio duti warocariro” ni, yʉhʉre masiihca mʉhʉ jʉna —niha Cohamacʉ Moisere.

Éxodo 3:12 ပူးပေါင်းရင်းမြစ်များ

Génesis 15:1

Lotere to yʉhdʉ witichʉ yoari baharo, Yawe sehe tiro Abrãre bajua, õ sehe ni yahuha: —Abrã, ne cuiecʉ tjiga mʉhʉ. Yʉhʉ jija mʉhʉre noano dʉcata, ã ñʉ wihborucuriro. Tuhsʉ, yʉhʉ sehe mʉhʉre payʉ noaare wai tai nija —niha tirore.

Génesis 15:8

To ã nichʉ, õ sehe ni sinitu ñʉha Abrã: —Yawe, yʉ Pʉhtoro, ¿dohse yoa “Potocãta yʉ ya yahpata jira” ni, masiihcari yʉhʉ? —ni sinitu ñʉha Abrã.

Génesis 31:3

à yoa Jacobore õ sehe ni yahuha Yawe: —Mʉ coyea cahapʉ coha tjuaa wahaga mʉhʉ. Mʉ ñʉchʉ quiro mʉnano ya yahpapʉ, mipʉ mʉ pʉcʉ to jiropʉ coha tjuaa wahaga. Mʉ tópʉre wahachʉ, yʉhʉ sehe mʉhʉre piti ti wahcãrucuihtja —ni yahuha. *****

Éxodo 3:1

à yoa tiro Moise sehe to marechʉno Jetro nuina ovejaare ã jichʉ cabraare ñʉ wihbo cohtariro jia tiha. Cʉ̃ nʉmʉ tiro wahiquinare tjare ti chʉchʉ cohta tinino waharo, tinare wʉari dʉjʉropʉ naaha. Naa, yoaro waha, sʉropʉ cʉ̃dʉ tʉ̃cʉ Sinaí wama tidʉ cahapʉ tinare na sʉha. Tʉ tʉ̃cʉ sehe, “Ahdʉ Cohamacʉ to bajua mʉjadʉ jira” ni, cua pisaro mehne ti ñʉdʉ jiha.

Éxodo 3:13

To ã nichʉ tʉhoro, Moise õ sehe ni sinitu ñʉha: —Israe masa cahapʉ sʉ, “Mari ñʉchʉsʉma cjiri ti Cohamacʉ mʉsa cahapʉ yʉhʉre warocahre” yʉ nichʉ, tina yʉhʉre õ sehe ni sinitu ñʉahca: “¿Dohse wama tiriro jihri tiro?” ni, yʉhʉre sinitu ñʉahca tina. Ti ã ni sinitu ñʉchʉ, ¿yʉhʉ sehe tinare dohse ni yʉhtiihcari? —ni sinitu ñʉha.

Éxodo 4:12

à jicʉ cuiro marieno wahaga. Mʉ wahachʉ, yʉhʉta mʉhʉre mʉ noano durucuhtire yoadohoihtja. Tuhsʉ, mʉ nihti cʉ̃hʉre mʉhʉre yahuihtja —niha Yawe tirore.

Éxodo 4:15

To ã piti bocari baharo, mʉsa pʉaro Egipto yahpapʉ wahaga. Tópʉ sʉna, õ sehe yoanahca mʉsa. Mʉhʉ sehe yʉ mʉhʉre yahuriro cjiro seheta quihõno mʉ wahmipʉre yahu yʉhdoga. Tiropʉ mʉsa coyeare mʉhʉre yahu turiabasarohca jʉna. Ã yoai, mʉhʉ sehe to cohamacʉ choro mʉ jiboro seheta jii niihca. Ã jicʉ jipihtia to nihtire tirore quihõno yahu yʉhdoga. Ã yoa tiro cʉ̃hʉ mʉ ya cohamacʉ choro yare to yahu mʉhtaboro seheta quihõno tinare yahu turiarohca. Ã yoa yʉhʉ cʉ̃hʉ yʉ niriro seheta mʉsa noano durucuhtire mʉsare yoadohoihtja. Tuhsʉ, paye mʉsa yoahti cʉ̃hʉre mʉsare tópʉ yahu namoihtja.

Éxodo 8:27

à jina yoaropʉ tia dacho waha sʉropʉ wʉari dʉjʉro, yucʉri marieni dʉjʉropʉ Yawe sã Cohamacʉre ño payona wahanahtja sã. Sãre to yoa dutiro seheta wahiquinare wajã, jʉ̃ wa mʉo, tirore ño payona wahanahtja —ni yʉhtiha Moise.

Isaía 7:14

Yawe yare yahu mʉhtariro Isaía õ sehe ni yahuha israe masa pʉhtoro Acare: —¿Dohse jiricoro numino mehne tarohcari marine yʉhdohtiro? mari noano masihto noano, Yawe õ sehe ni yahu quihõ cũ mʉhtana marine: “Cʉ̃coro ne cʉ̃ taha mʉnore piha ñʉeraricoro mʉnocãre pohna tirohca. Tirocã Emanue wama tirohca” ni, yahu quihõ cũ mʉhtana Yawe marine —ni, yahuha Isaía pʉhtoro Acare. (“Emanue” niri wama, “Cohamacʉ mari mehneta jira” ni duaro nina)

Josué 1:5

‘Ã yoa yʉhʉ sehe mʉ catisinino puro mʉhʉre ã piti tirucuihtja. Moise cjirore yʉ piti tiriro cjiro seheta mʉhʉ cʉ̃hʉre ã piti tirucuihtja. Ne di pja mʉhʉre cohã wahcãsi. Yʉ mʉhʉre ã piti tirucuchʉ, ne cʉ̃iro mʉhʉre cahma wajã yʉhdʉrʉcasi.