Éxodo 25:16 - Wanano OT Portions

¹⁶ ‘Ã yoa pʉa pjĩ, tãa pjĩnipʉ mʉsare “Ahrire yoaga” ni, yʉ yahuare joa õihtja yʉhʉ. Tí pjĩni cjihtire tí caro puhichapʉ wihbo sãanahca mʉsa.

Éxodo 25:16 ပူးပေါင်းရင်းမြစ်များ

Éxodo 16:34

à yoa Aarõ sehe to niriro seheta yoaha. Dihi situcãpʉ pʉa litro manáre posaa, tí situcãre Cohamacʉ to dutiare ti wihbori caro cahai wihbo dapoha.

Éxodo 25:21

‘Ã yoa mʉsare “Ahrire yoaga” ni, yʉ yahuri cjirire pʉa pjĩ, tãa pjĩnipʉ joa õ, mʉhʉre wiaihtja yʉhʉ. Tí yʉ joa õhti pjĩnine tí caro puhichapʉ wihbo sãajaro tina. Tuhsʉ, tí caro bihari pjĩ mehne bihajaro.

Éxodo 26:33

‘Ã yoa tí wʉhʉ mohaa cahsari sari pahrẽ sehere, to dohsa wahã sʉri da docacãi tí cahsarore duhu yoroca boro, yʉ ya tahtia waro cjihtore dʉcatajaro tina. Dʉhsari tahtia sehe yʉhʉre dahra cohtaina sahsero ti sãa ta mʉjahti tahtia cjihto jijaro. ‘Ã yoa yʉ mʉsare yoa dutia yʉ joa õa pjĩnine wihbohti caro sehe, ti duhu yoroca boro, dʉcatahti cahsaro baharo bʉhʉsehe sehei, yʉ ya tahtia pahrẽ sehei jijaro tí caro —ni yahu namoha Yawe Moisere.

Éxodo 31:18

à yoa Cohamacʉ tʉ̃cʉ Sinaí sohtoapʉ jiro, Moise mehne sʉhʉdu batoaha jʉna. à jiro tiro pʉa pjĩ, tãa pjĩnipʉ to dutiare to basi to joa õa pjĩnine Moisere wiaha.

Éxodo 32:15

à yoa Moise sehe tʉ̃cʉ sohtoapʉ Yawe mehne sʉhʉduriro cjiro dijarucuha. To dijaahto pano, Cohamacʉ to basita tí tãa pjĩnine dahre, tí pjĩni pʉ bʉhʉseheripʉreta to dutiare joa õ, Moisere waha. à jiro Moise sehe tí pjĩnine cjʉariro dijarucuha. Dijarucu, pʉ to piti ti mʉja tariro tirore tʉ̃cʉi cohtariro Josué cahapʉ dija sʉha.

Éxodo 40:20

à yoa tuhsʉ, õ sehe yoaha tjoa: Cohamacʉ to dutiare to joa naa pjĩnine na, tí pjĩnine Cohamacʉ to wihbo dutiri caropʉ wihbo sãaha. Wihbo sãa tuhsʉ, tí carore ti wʉahti yucʉrire tí caroi wahã sororipʉ siõ sãa õha. Tuhsʉ, tí carore bihaha jʉna.