Éxodo 24:14 - Wanano OT Portions

¹⁴ Cahnoyu tuhsʉ, bʉcʉna setenta to doca macaina pʉhtoare õ sehe ni yahu quihõha: —Sãre õihta cohtaga mʉsa. Ã yoa Aarõ, ã jichʉ Ur cʉ̃hʉ õihta mʉsa mehne tjuaahca. Ã jina mʉsa sehe mari ya curuapʉre dohse jia mijoa wahachʉ, tíre cahno bihoerahna, tina cahai wahaga. Tina mʉsare cahnodohoahca —ni yahu quihõha Moise bʉcʉnare, setenta to doca macaina pʉhtoare.

Éxodo 24:14 ပူးပေါင်းရင်းမြစ်များ

Génesis 22:5

Tícʉ tʉ̃cʉre ñʉrocaro, tiro to cahamacare õ sehe niha: —Õi tjuaga mʉsa burrocã mehne. Yʉ macʉ mehne sicʉ cahapʉ waha, mʉjasinina wahana nija. Sicʉ sohtoapʉ sʉna, Cohamacʉre ño payo tuhsʉ, majare dija tanahca tjoa —ni yahuha tinare.

Éxodo 17:10

à yoa Josué sehe Moise to dutiro seheta yoaro, cãina mʉare cahma wajã mihniinare ñʉ, beseha. Bese tuhsʉ, pa dacho bohrea caharoi tina mehne waha, amalecita masa mehne cahma wajãa tiha jʉna. à yoa ti waharo cʉ̃no potorita, Moise cʉ̃hʉ to wahmino Aarõ mehne, ã jichʉ Judá cjiro panamino ji turiariro Ur wama tiriro, tina pʉaro mehne to yahu quihõri buhuropʉ mʉjaa wahaa tiha.

Éxodo 17:12

à yoa Moise to wahya yʉhdʉa mʉjachʉ ñʉa, Aarõ cʉ̃hʉ sehe cʉ̃ria tãcare na ta, tiare to dujihtia cjihto duhu cũha. à yoa tiai to dujichʉ, tina pʉaro to yachʉrire tju ñahadohoa tiha. Cʉ̃iro cʉ̃ bʉhʉsehe yachʉre, pairo pa bʉhʉsehe yachʉre tju ñahadohoa tiha. Ti ã yoachʉ, Moise sehe dacho puro cʉ̃no pjaa tiha jʉna.

Éxodo 32:1

à yoa tina israe masa Moise tʉ̃cʉ sohtoapʉ to yoari pja butichʉ ñʉa, Aarõ caha sehe soroarʉcʉ sʉ pihtia wahaha. à yoa tina Aarõ sehere õ sehe niha: —Tiro jimahre marine Egiptopʉ jiinare na tariro. Tiro Moisere dohse waharo wahaga. Ãta butinocana tiro. à jicʉ mʉhʉ sehe cohamana yoaga, marine waja mʉhtahtina cjihtire —niha.