Éxodo 19:13 - Wanano OT Portions

¹³ Ã jina yʉhdʉ sãainare ne ñahaena tjiga. Wiho tãa poca mehne, bʉea yucʉri mehne wajãnocaga tinare. Masʉno jichʉ, o wahiquiro jichʉ cʉ̃hʉre, Yawe to quihõ cũ dutirore ti yʉhdʉ sãachʉ, wajãnocaga tinare” ni, mʉ masare yahuga. Ã yoa mʉ masa, oveja mʉno saharore putiro yoaro sehe bisichʉ dihta wahajaro tʉ̃cʉ dahpotopʉ —ni yahuha Yawe Moisere.

Éxodo 19:13 ပူးပေါင်းရင်းမြစ်များ

Éxodo 19:14

To ã ni yahu tuhsʉchʉ, Moise sehe dijaa wahaha. Dija sʉ, to masare mahanocã ti jia tiare duhusini duti, soro jia tisini dutiha Yawere ti ño payohto sehe. To ã dutiri baharo, tina ti suhtire cosayuha.

Éxodo 19:16

Baharo, tia dacho waharoi, paró wʉpo pjarucu, oroca siterucuha. Ã yoa cʉ̃ curua, ñichuri curua tʉ̃cʉ sohtoapʉ duji pjaha. Tuhsʉ, oveja mʉno saharore putiro yoaro sehe bisiro cʉ̃hʉ tuaro bisi yʉhdʉrocaa wahaha. Ã jia masa ti ji caha sʉa wʉhʉsei jiina, cʉa yʉhdʉa wahaa, teterea wahaha.

Éxodo 19:17

To ã bisichʉ tʉhoro, Moise sehe to masare sʉho na wahcãha. Na wahcãa, tʉ tʉ̃cʉ dahpoto cahai to quihõ cũriropʉ sʉho tjuarʉcʉ sʉha, Cohamacʉ to dutiare to yahuchʉ, ti tʉhohto sehe.

Éxodo 19:19

à yoa oveja mʉno saharore putiro yoaro sehe bisiro cʉ̃hʉ sie sehe mehne, tuaro waro bisi yʉhdʉrocaa wahaha jʉna. To ã waharo watoi Moise Cohamacʉ mehne durucuha. To durucuchʉ, Cohamacʉ sehe tirore tuaro wʉpo pjaro yoaro sehe yʉhtiroca dijo mʉjaha.