Éxodo 10:10 - Wanano OT Portions

¹⁰ Moise to ã nichʉ tʉhoro, faraõ sehe õ sehe ni yʉhtiha tirore: —¡Mipʉ masija! ¡Ã ni mahño, yʉhʉre yʉhdʉ witi wijaa duana niri jira mʉsa! Mʉsa mahñoare potocã tʉho, mʉsa namosanumiare, ã jichʉ mʉsa pohna cʉ̃hʉre yʉ wa wiochʉ, Yawe mʉsa Cohamacʉ sehe, “Faraõ bui tuariro jija yʉhʉ” ni, tʉhotuboca. Wiho mejeta tiro yʉhʉre yʉhdʉrʉca duaro bihosi.

Éxodo 10:10 ပူးပေါင်းရင်းမြစ်များ

Éxodo 10:11

à jicʉ yʉhʉ sehe, jipihtina mehne mʉsa waha duachʉ, wa wiosi mʉsare. ¡Ne, ã cahmaeraja! Potocãta mʉsa Cohamacʉ Yawere ño payona waha duaina jina, mʉsa mʉa sahsero tirore ño payona wahaga —niha. à ni tuhsʉrota, Moise cʉ̃hʉre tuaro mehne waroca wionocaha.

Éxodo 10:24

Faraõ sehe, ã wahachʉ ñʉno, Moisere, ã jichʉ Aarõre pari turi pji dutiroca, tinare õ sehe niha: —Mipʉ pinihtare mʉsa masa curua mehne Yawe mʉsa Cohamacʉre ño payona wahaga. Mʉsa namosanumiare, mʉsa pohna cʉ̃hʉre naaga. Mʉsa nuina, ovejaa, cabraa, wachʉa pinihtare naaena tjiga —niha.

Éxodo 10:9

To ã ni sinitu ñʉchʉ tʉhoro, õ sehe ni yʉhtiha Moise: —Yawe, sã Cohamacʉre pjiri bose nʉmʉ yoa payo, tirore ño payona wahana tana nija sã. Ã jina sã jipihtina sã namosanumia mehne, sã pohna mehne, ã jichʉ bʉcʉna quina jipihtina mehne wahanahca sã. Tuhsʉ, sã nuina ovejaa, sã cabraa, sã wachʉa jipihtina tina cʉ̃hʉre naanahca sã —ni yʉhtiha Moise.

Éxodo 13:21

à yoa dachorire Yawe me curua yoaro sehe bajuri pohnapʉ jitjiãhno, tinare sʉho mʉ tãrucu wahcãa tiha. Tó sehe yoa, tiro tinare ti wahahtore ño mʉ tãno niha. à yoa ñamirine tjoa tiro pichaca pohna yoaro seheta bajuri pohnapʉ jitjiãhno, buhria mʉ tãa tiha tinare, ñamirine ti noano wahahto sehe. Tó seheta yoaha tiro tinare ã dachori, ñamini cʉ̃hʉre ti wahahto noano.