Deuteronomio 18:15 - Wanano OT Portions

¹⁵ ‘Ã yoa yʉhʉre õ sehe ni, mʉsare yahu namo dutihre tiro. Cʉ̃ dacho cʉ̃iro mari ya curua macarirore bese, to yare mʉsare yahu mʉhtahtiro cjihtore cũhto jiyuhca. Ã jiro tiro to besehtiro cʉ̃hʉ yʉ yoaro seheta to yahuare tʉho, mʉsapʉre yahu turia mʉjahtiro jihto jiyuhca tiro cʉ̃hʉ. Ã yoa mʉsa sehe to yahu turiaare tʉhona, tirore yʉhdʉrʉcaro marieno yʉhti mʉjahtina jiyuhca.

Deuteronomio 18:15 ပူးပေါင်းရင်းမြစ်များ

Deuteronomio 34:10

à yoa Moise cjiro to yariari baharo, paina to yoaro sehe jiina mariea tiha jʉna. Tiro Moise cjiro sehe Yawe to tuaa mehne õpe yoa mʉjaa tiha. Tiro cjiro sehe Yawe mehne sʉhʉduro, masʉno mehne to sʉhʉduboro seheta sʉhʉdu mʉjaa tiha. Sʉhʉdu, to yahuare israe masapʉre yahu turia, tinare wajaa tiha tiro cjiro. Tuhsʉ, Egipto macariro faraõre, tiro faraõ doca macaina pʉhtoare, ã jichʉ jipihtina egipto masa cʉ̃hʉre ñʉ cʉachʉ yoaa baro chorire yoa ño, tinare buhiri dahre mʉjaa tiha tiro cjiro. à yoa ñono, masa ti yoaeraa baro chorire yoa ño, buhiri dahre mʉjano nia tiha tiro cjiro.