2 Samue 7:15 - Wanano OT Portions

¹⁵ Ã buhiri dahre mʉjapaihta, pʉhtoro Saulo cjirore yʉ yoariro cjiro sehe yoasi. Ã jicʉ pʉhtoro to jirore masi yʉhʉ tirore. Ã pja ñʉrucu, ã noano yoarucuihtja yʉhʉ tirore.

2 Samue 7:15 ပူးပေါင်းရင်းမြစ်များ

2 Samue 7:14

‘Ã yoa Davi macʉno yʉ besehtiro sehe yʉ macʉ yoaro sehe jiro ninohca. Ã jii yʉhʉ cʉ̃hʉ tirore to pʉcʉro yoaro seheta jii niihca. Ã jii, tiro yʉhʉre to yʉhdʉrʉca mʉjachʉ, masa ti pohnare ti buhiri dahrero seheta yʉhʉ cʉ̃hʉ buhiri dahre mʉjaihca tirore.

2 Samue 7:16

à yoa yʉ niriro cjiro seheta Davi cʉ̃hʉre to pʉhtoro to jiare masi yʉhʉ. To ya curua macaina cʉ̃hʉre pʉhtoa ti ji cohtota turia tiare ne masi.” à ni, yʉ cahamacʉno Davire yahu turiabasai wahaga mʉhʉ yʉhʉre —niha Yawe Natãre.

Isaía 9:7

‘Ã yoa tiro israe masa pʉhtoro Davi cjiro ya da mehne tarohca. Tuhsʉ, to ñʉchʉno Davi Jerusalẽi, pʉhtoa ti duti jiri macapʉ pʉhtoro to jisiniri pjapʉ, to masare to dutiriro cjiro seheta tiro cʉ̃hʉ dutirohca mari Bui Pʉhtoro waro cjihto cʉ̃hʉ. Tiro paró ahri dacho mʉ sʉro macainare ã dutirucurohca. Tuhsʉ, ã noano waro yajeri sãachʉ yoa, ti basi noano jinocachʉ yoarucurohca tiro. Ne tí pihtisi. Noano waro dutirohca to masare jipihtiri yahpa macainare. Masa quihõno jia ti yoaare, ã jichʉ quihõno jieraa ti yoaa cʉ̃hʉre tiro besewerohca. Ã yoa tiro quihõno jia baro yoainare wahcherohca. Tuhsʉ quihõno jieraa baro yoainare tiro buhiri dahrerohca. Tó seheta ã jirucurohca to dutia tia. Mari Yawe to cahĩina waro jija. Ã jiro tiro Jipihtina Bui Ji Yʉhdʉrʉcʉ Sʉriro Waro mipʉ to ã ni cũare to niriro seheta wahachʉ yoarohca —ni yahu quihõ cũ mʉhta namoha Isaía pʉhtoro Acare.

1 Samue 16:14

à yoa Yawe to Catia Macariro Espíritu Santo sehe jʉna pʉhtoro Saulore piti ti, yoadohomariro cjiro tirore piti ti duhunocaha jʉna. To ã piti ti duhuchʉ, Yawe sehe to cohtotaro demonio sehere Saulore caribo dutiro warocaha. To warocari baharo, tiro sehe cãa tahari Saulore wacũenoca caribo, tuaro wisiachʉ yoa mʉjaa tiha.