2 Reyes 25:2 - Wanano OT Portions

^2-3 Ã yoa tina cʉ̃ cʉhma noano, pa cʉhma dacho maca waro Jerusalẽre bʉcʉa cahaa jia tiha. Tó puro yoari pja ti bʉcʉa caha jichʉ, tí maca macaina sehe ti chʉboa tjoaa waha, jʉca baa niha.

2 Reyes 25:2 ပူးပေါင်းရင်းမြစ်များ

2 Reyes 25:1

à yoa tí pjapʉre Judá yahpa macariro pʉhtoro Sedequia wama tiriro jia tiha. Tiro Sedequia sehe pʉhtoro jiro, Jerusalẽ wama tiri macapʉ jia tiha. à yoa tí yahpare ocho cʉhmari waro noano pʉhtoro jia tiha tiro. à yoa pa cʉhmare diez sʉ̃ri to pʉhtoro ji wahcãrucuchʉ waro, Babilonia yahpapʉ macariro pʉhtoro Nabucodonoso wama tiriro sehe, to surara mehne Jerusalẽpʉ tiro Sedequia mehne cahma wajãno sʉa tiha. à cahma wajãno sʉro, tí maca dʉhtʉ cahai to surara peri mehne noano soroa bihatorʉcʉ sʉ, bʉcʉa caha jia tiha. Tí maca Jerusalẽ sehe tãa ti pohaa pahtari mehne bʉtiro ti sahrĩ sãari maca jia tiha. à jia Nabucodonoso cʉ̃hʉ sehe tí sahrĩnore yʉhdʉ sãa dua, dihta tuhuri wʉri poho cũ majarea tiha tí sahrĩno dʉhtʉ cahai.