2 Reyes 17:8 - Wanano OT Portions

⁸ Ã yoa Canaã yahpai ti pano ji mʉhtaina cjiri sehe Cohamacʉ to ñʉ yabia barore tuaro yoaina jia tiha. Ã jiro Cohamacʉ tinare cohã wionocaa tiha. To ã cohã wiorina cjiri ti ñaa jia tiare israe masa cʉ̃hʉ ñʉ cũ, ñano jia tiha tina cʉ̃hʉ. Ã yoa ti pʉhtoa cʉ̃hʉ tjoa tinare Cohamacʉ warore ño payo duhunoca dutia tiha. Ã ño payo duhu dutia, masʉri sehere ño payo dʉca dutia tiha. Ti ã ño payo dutichʉ, tina cʉ̃hʉ ti dutiro seheta tí masʉrine ño payoa tiha. Ã jia tina cʉ̃hʉ buhiri tiina wahaa tiha.

2 Reyes 17:8 ပူးပေါင်းရင်းမြစ်များ

2 Reyes 17:19

à yoa tina Judá yahpa macaina cʉ̃hʉ ti Cohamacʉ Yawere yʉhdʉrʉcainata jia tiha. Ti coyea Israe yahpa macaina tói jisinia, ti ñaa yoaare ñʉ cũ, ñano jia tiha tina cʉ̃hʉ.

Deuteronomio 18:9

à yoa Moise sehe Cohamacʉ to yahurire israe masare õ sehe ni yahu turiaha tjoa: —Yawe mari Cohamacʉ yʉhʉre õ sehe ni, mʉsare yahu turia dutihre: “Mipʉre tiro sehe mʉsare mʉsa noano jinocahti yahpa cjihtore waro taro niyuhca. à jina mʉsa sehe tí yahpapʉ sʉna, tí yahpa macaina ñano ti jia tiare ñʉ cũ, yoaerahtina jiyuhca.