1 Samue 8:15 - Wanano OT Portions

¹⁵ ‘Ã yoa mʉsa weseri to ma dʉhaa weseri macaa cʉ̃hʉre ti dicha tiri pjare tjoa tí dichare tuaro mehne nahto jiyuhca tiro tjoa. Ã nano, trigore cien pʉhʉse mʉsa na cahmachurire, tiro cʉ̃hʉ diez pʉhʉse nahto jiyuhca. Ã yoa mʉsa se weseri macaa cʉ̃hʉre ãta yoa, nahto jiyuhca tiro. Tí to na cahmachuri sehe to doca macaina pʉhtoare, ã jichʉ paina tiro mehne dahrahtina cʉ̃hʉre to wahti cjihti jihto jiyuhca.

1 Samue 8:15 ပူးပေါင်းရင်းမြစ်များ

1 Samue 8:14

‘Ã yoa mʉsa ti pʉcʉsʉma sehere õ sehe yoahto jiyuhca tiro. Mʉsa toaa weserire tí weseri bui noano dicha tia weserire ñʉ, tiro mʉsare tuaro mehne manocahto jiyuhca. Õpere mahto jiyuhca tiro mʉsare. Mʉsa trigo weserire, mʉsa se weserire, ã yoa mʉsa olivo weseri cʉ̃hʉre mahto jiyuhca tiro mʉsare. Ma tuhsʉ, tí weserire tiro mehne dahrahtinare ti ya weseri cjihti wahto jiyuhca tiro.

1 Samue 8:16

‘Ã yoa mʉsa cahamaca cʉ̃hʉre cãinare mahto jiyuhca tiro mʉsare. Ã mano, mʉsa cahamaca mʉare, numia cʉ̃hʉre mahto jiyuhca tiro. Ma tuhsʉ, to ya dahraare dahra cohtahtina cjihti cũhto jiyuhca tinare. Ã yoa mʉsa nuina wachʉa cʉ̃hʉre, mʉsa burroa cʉ̃hʉre paina bui noainare, tuhsʉ, bʉjʉina wʉrire ñʉ, mʉsare mahto jiyuhca tiro. Ma tuhsʉ, tinare to weseri cjihtire dihta saha musiõhtina cjihti, tuhsʉ, nʉcʉa paye barore naa mʉjahtina cjihti cũhto jiyuhca tiro.