1 Samue 8:14 - Wanano OT Portions

¹⁴ ‘Ã yoa mʉsa ti pʉcʉsʉma sehere õ sehe yoahto jiyuhca tiro. Mʉsa toaa weserire tí weseri bui noano dicha tia weserire ñʉ, tiro mʉsare tuaro mehne manocahto jiyuhca. Õpere mahto jiyuhca tiro mʉsare. Mʉsa trigo weserire, mʉsa se weserire, ã yoa mʉsa olivo weseri cʉ̃hʉre mahto jiyuhca tiro mʉsare. Ma tuhsʉ, tí weserire tiro mehne dahrahtinare ti ya weseri cjihti wahto jiyuhca tiro.

1 Samue 8:14 ပူးပေါင်းရင်းမြစ်များ

1 Samue 8:13

‘Ã yoa mʉsa pohna numia cʉ̃hʉre cãina numiare tirore dahra cohtahti numia cjihti tuaro mehne sõhto jiyuhca tiro. Ã sõno, cãa numiare tirore me sitia dahrebasahti numia cjihti cũhto jiyuhca. Paye numiare tirore chʉa dahrebasahti numia cjihti cũhto jiyuhca. Paye numiare tirore pão dahrebasahti numia cjihti cũhto jiyuhca.

1 Samue 8:15

‘Ã yoa mʉsa weseri to ma dʉhaa weseri macaa cʉ̃hʉre ti dicha tiri pjare tjoa tí dichare tuaro mehne nahto jiyuhca tiro tjoa. Ã nano, trigore cien pʉhʉse mʉsa na cahmachurire, tiro cʉ̃hʉ diez pʉhʉse nahto jiyuhca. Ã yoa mʉsa se weseri macaa cʉ̃hʉre ãta yoa, nahto jiyuhca tiro. Tí to na cahmachuri sehe to doca macaina pʉhtoare, ã jichʉ paina tiro mehne dahrahtina cʉ̃hʉre to wahti cjihti jihto jiyuhca.