1 Samue 16:13 - Wanano OT Portions

¹³ To ã nichʉ tʉhoro, Samue sehe to wahmisʉma ti ñʉrocaroi oveja cjiro saharopʉ olivo se to posarire cua pisaro mehne to dapu bui mahano pio payoha. Ã yoaro, —Ahrirota jira israe masa ti pʉhtoro cjihto, Yawe to beseriro —ni, ñono niha Samue. Tiro Yawe to beseriro sehe Davi wama tiriro jiha. Ã yoa to ã yoari pjaihta Yawe to Catia Macariro Espíritu Santo cʉ̃hʉ Davire yoadohoro taro, dija wihi mʉa waha, tirore piti ti dʉcaha jʉna. Ã yoa Samue sehe ã yoa tuhsʉ, tinare coha siti, to ya maca Ramapʉ coha tjuaa wahaha.

1 Samue 16:13 ပူးပေါင်းရင်းမြစ်များ

2 Samue 5:3

Ti ã nichʉ tʉhoro, Davi sehe õ sehe ni yʉhtiha: —Yawe sehe mʉsa ã niare tʉhoca. Ã jicʉ yʉhʉ cʉ̃hʉ to tʉhorocaroi cua pisaro mehne “Ãta jijaro” ni yʉhtija mʉsare —ni, yʉhtiha tiro tinare. To ã ni yʉhtichʉ tʉhoa, tina sehe olivo sere to dapu bui pio payo, tina cʉ̃hʉ tirore pʉhtoro sõha. Tó sehe yoa, tina jipihtina doce curuari macaina Davire pʉhtoro rey cjʉa dʉcaa tiha jʉna.

Números 27:18

To ã ni sinichʉ tʉhoro, Yawe sehe tirore õ sehe ni yahuha: —Nũ macʉno Josué, dohse jia dahraa jichʉ, dahrariro baro jira. Ã jicʉ mʉhʉ sehe mʉ cahapʉ tirore pjirocaga.

1 Samue 11:6

Tí quitire Saulo to tʉhochʉta, Cohamacʉ Catia Macariro Espíritu Santo sehe to cahapʉ dija wihi mʉa wahaha. Ã dija wihirota, tirore sua yʉhdʉ mʉa wahachʉ yoaha.

1 Samue 16:18

To ã nichʉ tʉhoro, cʉ̃iro tina mehne macariro sehe õ sehe ni yʉhtiha tirore: —Yʉhʉ cʉ̃iro Belẽ macariro Jesé macʉnore masija. Tiro arpare noano bʉapʉtẽ mihniriro jia tihre. Tuhsʉ, õpe ji namoa tihre to jia tia. Tiro cuaro waharo watore cuierariro baro jia tihre. Tuhsʉ, noano cahma wajã mihniriro jia tihre. Tuhsʉ, masa cʉ̃hʉre noano sʉhʉduriro baro cʉ̃hʉ jia tihre tiro. Tuhsʉ, noano ñʉhto noariro cʉ̃hʉ jia tihre. Yawe cʉ̃hʉ tirore piti ti, noano yoadohoa tihre tirore —ni yʉhtiha tiro.