1 Samue 13:13 - Wanano OT Portions

^13-14 To ã ni yʉhtichʉ tʉhoro, Samue sehe õ sehe niha Saulore: —Ã yoaeraboa mʉhʉ. Ã yoai, mari Cohamacʉ Yawere yʉhdʉrʉcai niri jira mʉhʉ. Yʉhʉpʉ jija sacerdote. Yʉhʉpʉre tí dahraare cũhre tiro. Mʉhʉ sehe poto cohtasiniboa. Ã jii mʉ ã yoacʉ, Cohamacʉre yʉhdʉrʉcai niri jira. Mʉ ã yʉhdʉrʉcari buhiri mipʉre mʉhʉ cʉ̃irota pʉhtoro ji, buti dijaa wahaihca jʉna. Tuhsʉ, mʉ pohna, mʉ panamana mʉhʉre pʉhtoro ji cohtotaborina cʉ̃hʉ ne ji cohtotasi jʉna. Ã jiro Yawe to basi pairo mʉhʉre pʉhtoro ji, cohtotahtiro cjihto bese sõnohca. Ã sõno, to cahmasãano seheta yoahtiro cjihtore bese, to masa curuare sʉho ji mʉhtahtiro cjihto sõno ninohca tiro —niha Samue Saulore. Resumen: Ã yoa Saulo to cahma wajãdoho duti, to pjirocarina sehe filisteo masa surara payʉ waro ti jichʉ ñʉa, cui, duhti site wahcã pihtia wahaha. Ã yoa Saulo to surara waro cʉ̃hʉ payʉ duhti wahcãha tirore. Ã jia tres mil surara jimaina cjiri seiscientocãta tiro mehne tjuaha. Ã yoa Cohamacʉ sehe Saulo to yʉhdʉrʉcariro to jipachʉta, tina seisciento suraracã mehne filisteo masa surara perire cahma wajã yʉhdʉrʉcanocachʉ yoaha tirore. Cohamacʉ Saulore ã cahma wajã yʉhdʉrʉcachʉ yoaro taro, filisteo masa surara sehere tinare tuaro cuiina wahachʉ yoaha. Ã cuiina ti wahachʉ, Saulo sehe tinare cahma wajã yʉhdʉrʉcanocaha to surara mehne.

1 Samue 13:13 ပူးပေါင်းရင်းမြစ်များ

1 Samue 13:12

Ti wihi tarʉcachʉ ñʉcʉ, õ sehe ni tʉhotuhi yʉhʉ: “Yawere yoadohoa yʉ sinierapachʉta, filisteo masa sãre wajãa taapʉ nina” ni, tʉhotuhi yʉhʉ. Ã ni tʉhotui, mʉ bajuerachʉ ñʉcʉ, yoa duaerapaihta, yʉ basita wahiquinare wajã, jʉ̃ wa mʉo, ño payoi nija —ni yʉhtiha.

1 Samue 16:1

à yoa Yawe õ sehe niha Samuere: —Tó purota Saulore yʉ cohã wiorire cahya duhuga mʉhʉ. Yʉ niriro seheta to yariari baharo, ne to pohna, ne to panamana ji turiaina cʉ̃hʉ israe masa pʉhtoa cjihti ti jichʉ cahmaeraja yʉhʉ. à jicʉ mipʉre mʉhʉ sehe Belẽpʉ wahaga. Tópʉ wahai, oveja saharopʉ olivo sere posaa, naaga. à yoa Belẽpʉ sʉcʉ, Jesé wama tiriro ya wʉhʉi sʉga. Yʉhʉ sehe cʉ̃iro to macʉnore beseyu tuhsʉhi israe masa ti pʉhtoro cjihto —niha.