1 Samue 13:11 - Wanano OT Portions

¹¹ To sinino tachʉ, Samue sehe dói tirore sinitu ñʉ bahrañoha: —¿Dohse yoai ã yoari mʉhʉ? —ni sinitu ñʉha tirore. To ã ni sinitu ñʉchʉ tʉhoro, Saulo sehe õ sehe ni yʉhtiha: —“Yʉ masa cuiro mehne yʉhʉre cohã wahcã pihtia taapʉ nina” nicʉ, ã yoahti. Mʉhʉ cʉ̃hʉ “Taihtja” ni, mʉ yahu quihõri somanare dói cure wihierahre. Mʉ wihieraro wato, filisteo masa sehe yoato Mimapʉ wihi tarʉca tuhsʉhre.

1 Samue 13:11 ပူးပေါင်းရင်းမြစ်များ

Génesis 3:13

à yoa tiro Cohamacʉ Yawe sehe numinore õ sehe ni sinitu ñʉha: —¿Ne, dohse yoaco taco mʉhʉ ã yoari? —ni sinitu ñʉha. —Agã yʉhʉre yahusãhre. à jico chʉhti —ni yʉhtiha ticoro numino.

Génesis 4:10

To ã nichʉ tʉhoro, tiro sehe õ sehe niha: —¿Dohse yoacʉ tacʉ mʉ bahʉre wajãri mʉhʉ? Ñʉhi yʉhʉ mʉ bahʉ di mʉ cohãchʉ. To di “Yʉhʉre wajãrirore buhiri dahrebasaga” ni, sañurucuro yoaro sehe coa taca yʉhʉre.

1 Samue 13:12

Ti wihi tarʉcachʉ ñʉcʉ, õ sehe ni tʉhotuhi yʉhʉ: “Yawere yoadohoa yʉ sinierapachʉta, filisteo masa sãre wajãa taapʉ nina” ni, tʉhotuhi yʉhʉ. Ã ni tʉhotui, mʉ bajuerachʉ ñʉcʉ, yoa duaerapaihta, yʉ basita wahiquinare wajã, jʉ̃ wa mʉo, ño payoi nija —ni yʉhtiha.

1 Samue 13:2

à yoa cʉ̃ nʉmʉ Saulo to surara cjihtire besero taro, jipihtina to coyeare pji cahmachuha. Ti wihi pihtichʉ ñʉno, tres mil waro beseha tiro. To bese dʉhainare ti jia macaripʉta waroca tju pahñonocaha. à yoa to beserina sehere jʉna pʉa curua tju wa dapoha. Cʉ̃ curua macaina cjihtire dos mil waro tju wa dapoha. Pa curua macaina cjihti sehere mil waro tju wa dapoha. à yoa cʉ̃ curua macaina mil surara to tju warina sehere Gibeá wama tiri macapʉ to macʉno Jonatã mehne warocaha. To warocachʉ, Jonatã sehe tinare tí macapʉ sʉho naa wahaha. Sʉho na sʉ, tí macare tinare sʉho ñʉ cohtaa tiha tiro. Tí maca sehe Benjamí cjiro ya curua macaina ti jiri yahpapʉ jia tiha. à yoa pa curua, dos mil surara to tju warina sehere tiro Saulo to basita tinare Mima wama tiri macapʉ sʉho naa wahaha. Sʉho na sʉ, tí macare, tuhsʉ, tʉ̃ yucʉri payʉri dihtapʉ jiri maca Betel cʉ̃hʉre tinare sʉho ñʉ cohtaa tiha tiro cʉ̃hʉ.

1 Samue 13:5

à yoa filisteo masa surara cʉ̃hʉ tina mehne cahma wajãa taa, Mima wama tiri macapʉ wihi tarʉcʉ sʉ, tói cahmachurʉcʉ sʉa tiha tina cʉ̃hʉ. à cahmachurʉcʉ sʉa, padʉ pohcari yoaro sehe waro payʉ wihi tarʉcʉ sʉha tina. Cãina dahporo mehne wihiha. Paina tres mil bʉso, cawaloa wajaa bʉso, ti cahma wajãa bʉso mehne wihiha. à yoa tí bʉsopʉ wihiina surara sahserore ti quihõ ñʉchʉ, seis mil waro jiha. à yoa ti cahmachurʉcʉ sʉri maca Mima sehe Betavẽ wama tiri macai mari ñʉrocachʉ, sʉ̃ mʉja taro caha sehe tjuaa tiha.