1 Samue 11:13 - Wanano OT Portions

¹³ Samuere ti ã nichʉ tʉhoro, Saulo sehe tinare õ sehe ni yʉhtiha: —Jierara, coyea. Ne ã yoaena tjiga mʉsa. Micha dacho mari wahchehti dacho jiro nina. Michare Yawe marine to yoadohoro mehne amonita masare cahma wajã yʉhdʉrʉcanocai mari. Ã jina mari coyeare ne cʉ̃irore wajãena tjiga mʉsa —ni yʉhtiha Saulo tinare.

1 Samue 11:13 ပူးပေါင်းရင်းမြစ်များ

Éxodo 14:13

Ti ã ni tuhtichʉ tʉhoro, Moise sehe õ sehe ni yʉhtiha to masare: —¡Cuiena tjiga mʉsa! Tóihta dʉcʉ sʉ, wacũ tuaga Yawe michare dohse yoa mʉsare to yʉhdohtire. Michapucacã egipto masare, mʉsa ñʉinare ne pari turi ñʉ namosi mʉsa.

Éxodo 14:30

Tí nʉmʉi Yawe israe masare yʉhdoha, egipto masa surara ti ñahaborore. Baharo tina cjirire pjiri ma dʉhtʉ cahai ñʉha.

1 Samue 10:27

Wiho mejeta cãina ti mʉ sʉro ñano jia tiina sehe wiho tirore doca dahrenocaha. Ã doca dahrea, õ sehe niha: —¿Ahriro ã cuia bʉcʉro mari pʉhtoro jibocari? Wiho jiriro waro jira tiro. Ã jiriro waro marine ñʉ tuhtiinare cahma wajã yʉhdʉrʉcasi. Ã jiriro waro marine ñʉ tuhtiinare marine yʉhdʉ witichʉ yoasi —ni tirore doca dahreha. Ã nia, paye baro wapa marieno paina ti waro yoaro sehe waeraha tina. Ti ã yoachʉ, Saulo sehe pʉhtoro choro ti sõriro jiparo, tinare buhiri dahreraha. Ã tʉhotunocaha tiro.